પૂર્વ કેપ્ટન નાસિર હુસૈને ન્યૂઝીલેન્ડ (New Zeland Cricket) સામે લોર્ડ્સ ટેસ્ટ (Lord’s Test Match) ના પહેલા દિવસે ઈંગ્લેન્ડ (England Cricket) ની ખરાબ બેટિંગ પર મોટા સવાલો ઉઠાવ્યા છે. તેણે કહ્યું છે કે ઇંગ્લિશ ટીમે ભલે ગમે તેટલી મહેનત કરી હોય. પણ ટેકનિક અને માનસિક રીતે હજુ ઘણું કામ કરવાનું બાકી છે. નાસિર હુસૈન અનુસાર બેન સ્ટોક્સ પહેલા હાફમાં સારૂ પ્રદર્શન કરી રહ્યો હતો. પરંતુ બીજા હાફમાં વાસ્તવિકતા સામે આવી.
ઇંગ્લેન્ડ અને ન્યુઝીલેન્ડ વચ્ચેની લોર્ડ્સ ટેસ્ટ મેચનો પ્રથમ દિવસ સંપૂર્ણ રીતે બોલરોના નામે રહ્યો હતો. પ્રથમ બેટિંગ કરવા ઉતરેલી ન્યુઝીલેન્ડની ટીમ માત્ર 132 રનમાં સમેટાઈ ગઈ હતી. તો ઇંગ્લેન્ડની હાલત પણ આવી જ હતી અને તેણે માત્ર 116 રનમાં 7 વિકેટ ગુમાવી દીધી હતી. જેક ક્રોલી અને એલેક્સ લીસે પહેલી વિકેટ માટે 59 રનની ભાગીદારી નોંધાવી હતી. પરંતુ ત્યારબાદ એક પછી એક વિકેટ પડવા લાગી હતી અને ઇંગ્લેન્ડનો ધબડકો જોવા મળ્યો હતો. આમ ઈંગ્લેન્ડે 116 રનમાં 7 વિકેટ ગુમાવી દીધી હતી.
નાસિર હુસૈને ડેઈલી મેલમાં લખેલી પોતાની કોલમમાં યજમાનોની બેટિંગ પર સવાલ ઉઠાવ્યા હતા. તેણે કહ્યું, “બેન સ્ટોક્સે ભલે પહેલા હાફમાં સારું પ્રદર્શન કર્યું હોય. પરંતુ બીજા હાફમાં તેને યાદ અપાવ્યું કે ઈંગ્લેન્ડની બેટિંગમાં હજુ પણ સમસ્યાઓ છે. હજુ ઘણું કામ કરવાનું બાકી છે. ટેકનિકલ અને માનસિક કામ કરવું પડશે.”
All happening late at Lord’s! Two wickets for Southee & Boult and England are 100/7 🏏#ENGvNZ pic.twitter.com/ikc9nHYpO1
— BLACKCAPS (@BLACKCAPS) June 2, 2022
તમને જણાવી દઈએ કે ઈંગ્લેન્ડનો કોઈ પણ બેટ્સમેન લાંબી ઈનિંગ્સ રમી શક્યો ન હતો. જેક ક્રાઉલે ચોક્કસપણે 43 રન બનાવ્યા. પરંતુ બાકીના બેટ્સમેનો ફ્લોપ રહ્યા. 5 બેટ્સમેન ડબલ ફિગર સુધી પણ પહોંચી શક્યા ન હતા. કેપ્ટન બેન સ્ટોક્સ પોતે માત્ર 1 રન બનાવીને પેવેલિયન પરત ફર્યો હતો. તો જોની બેરસ્ટો અને જો રૂટ જેવા દિગ્ગજો પણ ફ્લોપ રહ્યા હતા. જોવાનું એ રહે છે કે ઇંગ્લેન્ડ તેની પ્રથમ ઇનિંગમાં કેટલા રન બનાવી શકે છે.