ENG vs NZ: ન્યુઝીલેન્ડના કેપ્ટન વિલિયમ્સન ઇજાગ્રસ્ત, સેંટનર ઇજાને લઇ ઇંગ્લેંડ સામે શ્રેણીથી બહાર

ઇંગ્લેંડ અને ન્યુઝીલેન્ડ (England Vs New Zealand) વચ્ચે હાલમાં બે ટેસ્ટ મેચોની શ્રેણી રમાઇ રહી છે. જે પૈકી ની બીજી મેચ 10 જૂન થી એજબેસ્ટન ખાતે રમાનારી છે. પરંતુ ન્યુઝીલેન્ડ માટે ચિંતા વધી ગઇ છે. કારણ કે બીજી ટેસ્ટ પહેલા જ સ્પિનર મિશેલ સેંટનર (Mitchell Santner) ઇજાને લઇને બીજી ટેસ્ટ થી બહાર થઇ ગયો છે. જ્યારે કેપ્ટન કેન વિલિયમસન (Kane Williamson) પણ ઇજા ગ્રસ્ત છે. ઇગ્લેંડ સામેની પ્રથમ ટેસ્ટ મેચ ડ્રોમાં પરિણમી હતી.

ન્યુઝીલેન્ડના કેપ્ટન વિલિયમસનને ડાબી બાજુની કોણીમાં ઇજા પહોંચી છે. જેની પર નજર રાખવામાં આવી રહી છે. જેનો આગળની મેચમાં રમવાને લઇને બુધવારે નિર્ણય કરાશે એમ મંગળવારે જાણકારી અપાઇ હતી. ન્યુઝીલેન્ડના કોચ ગેરી સ્ટીડ એ આ અંગે જાણકારી આપી હતી. ન્યુઝીલેન્ડ વિલિયમસનની ઇજાને લઇને કોઇપણ પ્રકારનુ જોખમ ઉઠાવવા માંગતુ નથી.

ન્યુઝીલેન્ડ માટે વિલિયમસની હાજરી વિશ્વ ટેસ્ટ ચેમ્પિનશીપ ફાઇનલ મેચમાં જરુરી છે. આમ ન્યુઝીલેન્ડે બીનજોખમકારક ઉપાયો અપનાવવા પ્રયાસ કર્યો છે. જ્યારે મિશેલ સેંટનર ની ઇન્ડેક્સ ફિંગર માં કટ લાગ્યો છે. જેને લઇને તે બીજી ટેસ્ટ મેચ માટે બહાર થયો છે. ન્યુઝીલેન્ડ ક્રિકેટના બ્લેકકેપ અધિકૃત ટ્વીટર દ્રારા ટ્વીટ કરીને જાણકારી શેર કરાઇ હતી.

જે ટ્વીટમાં ટીમના કોચ ગેરી સ્ટીડ એ કહ્યુ હતુ કે, બર્મિધમમં લોર્ડઝમાં રમેલા તમામ બોલરો નહી રમી શકે. ટ્રેટ બોલ્ટ પરત ફર્યો છે. તે બીજી ટેસ્ટ મેચમાં રમી શકે છે. મિશેલ સેંટનર ની આંગળીમાં ઇજાને લઇને તે બીજી ટેસ્ટ થી બહાર થઇ ગયો છે. વિલિયમસનને ડાબી કોણી પર ઇજા ને લઇને તેની પર સતત નજર રખાઇ રહી છે. જેના રમવા અંગેના નિર્ણયની રાહ જોવાઇ રહી છે.

Gary Stead update, Birmingham:

– Pace bowlers from Lord’s won’t all play 2nd Test – Trent Boult available & likely to return – Mitch Santner ruled out with his cut left index finger – Kane Williamson’s left elbow injury being monitored & a decision to be made tomorrow#ENGvNZ pic.twitter.com/2o46zoXWqw

— BLACKCAPS (@BLACKCAPS) June 8, 2021

પ્રથમ ટેસ્ટમા વિલિયમ્સન નિષ્ફળ

લોર્ડઝમાં રમાયેલી ઇંગ્લેંડ સામેની પ્રથમ ટેસ્ટ મેચમાં કેન વિલિયમસન બેટીંગમાં નિષ્ફળ રહ્યો હતો. તેણે પ્રથમ ઇનીંગમાં 13 અને બીજી ઇનીંગમાં માત્ર 13 રન બનાવ્યા હતા. બોલ્ટ પ્રથમ ટેસ્ટ મેચમાં રમી શક્યો નહોતો, પરંતુ હવે તે ટીમ સાથે ફરી થી જોડાઇ ગયો છે. ન્યુઝીલેન્ડ બીજી ટેસ્ટ મેચ બાદ એજબેસ્ટન થી સાઉથમ્પ્ટન રવાના થશે. ટીમ ઇન્ડીયા હાલમાં સાઉથમ્પ્ટનમાં છે.