જીતવા માટે 6 રન, CSK ના બોલરની હેટ્રિક અને પછી છેલ્લા બોલે થયો ‘ચમત્કાર’; સુપર કિંગ્સ જીતેલી મેચ ‘હાર્યું’

વર્ષ 2026 મેજર ક્રિકેટ લીગમાં રવિવારે સવારે વોશિંગ્ટન ફ્રીડમ અને ટેક્સાસ સુપર કિંગ્સ વચ્ચે રમાયેલી મેચ ભારે ચર્ચામાં છે. આ મેચની છેલ્લી ઓવર સોશિયલ મીડિયા પર છવાઈ ગઈ છે. મેચમાં ટેક્સાસ સુપર કિંગ્સે પહેલા બેટિંગ કરતા 20 ઓવરમાં 185 રન બનાવ્યા હતા. જવાબમાં વોશિંગ્ટન ફ્રીડમને છેલ્લી ઓવરમાં જીતવા માટે 6 રનની જરૂર હતી.

CSK નો બોલર છવાયો પણ…

હવે છેલ્લી ઓવરની કમાન IPLમાં ચેન્નાઈ સુપર કિંગ્સ તરફથી રમતા અકીલ હુસૈનને સોંપવામાં આવી. અકીલ હુસૈને પહેલી પાંચ બોલમાં માત્ર એક જ રન આપ્યો અને હેટ્રિક લઈને મેચ પલટી નાખી. જો કે, તે પોતાની ટીમને જીત ન અપાવી શક્યો, કારણ કે છેલ્લા બોલ પર જ્યારે જીતવા માટે પાંચ રન બનાવવાના હતા, ત્યારે નિખિલ ચૌધરીએ સિક્સર ફટકારીને વોશિંગ્ટન ફ્રીડમને જીત અપાવી દીધી.

A legendary night of cricket Akeal Hosein becomes the first player in MLC history to get a hat-trick pic.twitter.com/d0bntA4MF3

— Cognizant Major League Cricket (@MLCricket) June 28, 2026

હુસૈનની કરિશ્માઈ ‘ઓવર’

જણાવી દઈએ કે, મેજર ક્રિકેટ લીગમાં પણ આઈપીએલના માલિકોની જ ટીમો છે. ચેન્નાઈ સુપર કિંગ્સના માલિકની જ ટેક્સાસ સુપર કિંગ્સ છે. એટલા માટે જ બંનેના નામ મળતા-આવતા છે. હવે વાત કરીએ અકીલ હુસૈનની કરિશ્માઈ છેલ્લી ઓવરની તો, મેચમાં ટેક્સાસ સુપર કિંગ્સની હાર નક્કી લાગતી હતી. 19 ઓવરમાં વોશિંગ્ટન ફ્રીડમનો સ્કોર 6 વિકેટે 180 રન થઈ ગયો હતો. હવે છેલ્લી 6 બોલમાં જીતવા માટે 6 રન બનાવવાના હતા.

છેલ્લી ઓવરના દરેક બોલનો ‘રોમાંચ’

વોશિંગ્ટન ફ્રીડમને છેલ્લી ઓવરમાં જીતવા માટે 6 રનની જરૂર હતી. ક્રીઝ પર ઓસ્ટ્રેલિયાના નિખિલ ચૌધરી 18 બોલમાં 21 રન અને દક્ષિણ આફ્રિકાના માર્કો યાનસેન ત્રણ બોલમાં 9 રન પર હતા. એવું લાગી રહ્યું હતું કે, આ બંને સરળતાથી પોતાની ટીમને જીત અપાવી દેશે પરંતુ અકીલ હુસૈને મેચ પલટી નાખી.

1. છેલ્લી ઓવરનો પહેલો બોલ- કોઈ રન નહીં
2. છેલ્લી ઓવરનો બીજો બોલ- વિકેટ
3. છેલ્લી ઓવરનો ત્રીજો બોલ- વિકેટ
4. છેલ્લી ઓવરનો ચોથો બોલ- વિકેટ
5. છેલ્લી ઓવરનો પાંચમો બોલ- LBW ની જોરદાર અપીલ થઈ. લેગ બાયના રૂપમાં સિંગલ રન આવ્યો.
6. છેલ્લી ઓવરનો છઠ્ઠો બોલ- સિક્સ (નિખિલ ચૌધરીએ સિક્સર ફટકારીને વોશિંગ્ટન ફ્રીડમને મેચ જીતાડી દીધી.)

જે ક્યારેય ન થયું તે હવે થયું! 149 વર્ષના ઇતિહાસમાં પહેલીવાર બન્યો આ ‘વર્લ્ડ રેકોર્ડ’, ક્રિકેટ ઇતિહાસના પાના બદલાઈ ગયા