Breaking News: એશિયન ગેમ્સમાંથી પણ સંજુ સેમસનનું પત્તું કપાશે? છેલ્લી ઘડીએ ટીમ ઈન્ડિયામાં થશે ફેરફાર!

આ વર્ષે સપ્ટેમ્બરમાં જાપાનમાં યોજાનારી એશિયન ગેમ્સ 2026 માટે ભારતીય ક્રિકેટ ટીમની જાહેરાત ગયા મહિને કરવામાં આવી હતી. જોકે હવે મીડિયા અહેવાલો મુજબ, ટૂર્નામેન્ટ શરૂ થાય તે પહેલા ટીમમાં છેલ્લી ઘડીએ કેટલાક ફેરફારો થઈ શકે છે. આ સમાચાર સામે આવતા જ ક્રિકેટ ચાહકોમાં અનેક અટકળો શરૂ થઈ ગઈ છે.

ટીમ ઈન્ડિયામાં થશે ફેરફાર

એક અહેવાલ મુજબ, BCCI એશિયન ગેમ્સ માટે જાહેર કરાયેલી 15 સભ્યોની ટીમમાં ફેરફાર કરવા અંગે વિચારણા કરી રહી છે. જો જરૂરી બનશે તો બોર્ડ સંબંધિત અધિકારીઓનો સંપર્ક કરીને નિયમો મુજબ ટીમમાં ફેરફાર કરી શકે છે. જોકે, કયા ખેલાડીઓ પર અસર પડશે તે અંગે હજુ કોઈ સ્પષ્ટ માહિતી આપવામાં આવી નથી.

એશિયન ગેમ્સ 2026 માટે ભારતીય ટીમ

ગયા મહિને જાહેર કરાયેલી ભારતીય ટીમમાં શ્રેયસ અય્યરને કેપ્ટન બનાવવામાં આવ્યો હતો. ટીમમાં અભિષેક શર્મા, સંજુ સેમસન, ઈશાન કિશન, શિવમ દુબે, તિલક વર્મા, નીતિશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, જસપ્રિત બુમરાહ, હર્ષિત રાણા, અર્શદીપ સિંહ અને વૈભવ સૂર્યવંશીનો સમાવેશ કરવામાં આવ્યો છે.

સંજુ સેમસનનું પત્તું કપાશે

ટીમમાં સંભવિત ફેરફારની ચર્ચા વચ્ચે સંજુ સેમસનનું નામ ફરી ચર્ચામાં છે. ઈંગ્લેન્ડ સામેની T20 શ્રેણીમાં એક મેચમાં પ્લેઈંગ ઈલેવનમાંથી બહાર રહેવા ઉપરાંત ઝિમ્બાબ્વે પ્રવાસ માટે પણ તેને ટીમમાં સ્થાન મળ્યું નહોતું. તેથી હવે એશિયન ગેમ્સની ટીમમાં પણ તેના સ્થાનને લઈને અટકળો તેજ બની છે. જોકે, આ અંગે કોઈ સત્તાવાર પુષ્ટિ થઈ નથી.

BCCIની સત્તાવાર જાહેરાત બાદ થશે સ્પષ્ટતા

એશિયન ગેમ્સ 2026 નું આયોજન 19 સપ્ટેમ્બરથી 4 ઓક્ટોબર દરમિયાન જાપાનમાં થશે, જ્યારે ક્રિકેટ મેચો 24 સપ્ટેમ્બરથી 3 ઓક્ટોબર દરમિયાન રમાશે. ટીમમાં ખરેખર ફેરફાર થશે કે નહીં અને જો થશે તો તેની અસર કયા ખેલાડીઓ પર પડશે, તે અંગે BCCIની સત્તાવાર જાહેરાત બાદ જ સ્થિતિ સ્પષ્ટ થશે.

Breaking News: સંજુ સેમસને પોતે જ ટીમની બહાર રહેવાનો નિર્ણય લીધો? નવા રિપોર્ટમાં મોટો ખુલાસો