IND vs AFG: ત્રીજી T20I પહેલા અફઘાનિસ્તાને, ટીમ ઈન્ડિયાને ડિનર માટે કેમ આમંત્રણ આપ્યું?
ભારત- અફઘાનિસ્તાનના ખેલાડીઓએ ત્રીજી ટી20 પહેલા સાથે ડિનર કર્યું હતુ. આ ખાસ આયોજન અફઘાનિસ્તાન ક્રિકેટ બોર્ડ તરફથી રાખવામાં આવ્યું હતુ. જેમાં બંને દેશના ટોપ ઓફિશિયલ સામેલ રહ્યા હતા.
ટી20 સીરિઝની ત્રીજી અને છેલ્લી મેચ પહેલા અફઘાનિસ્તાને ટીમ ઈન્ડિયા માટે ડિનરનું આયોજન કર્યું હતુ. અફઘાનિસ્તાન ક્રિકેટ બોર્ડ તરફથી આપવામાં આવેલા ડિનરના આમંત્રણની પાછળ એક ખાસ કારણ હતુ. આ આયોજનમાં માત્ર ભારતીય ખેલાડીઓ જ નહી પરંતુ બીસીસીઆઈના ટોપના ઓફિશિયલ્સ પણ હાજર રહ્યા હતા. આ દરમિયાન ભારત-અફઘાનિસ્તાનના ખેલાડીઓએ એક બીજા સાથે અનુભવ શેર કર્યો હતો. તેમજ ટી20 સીરિઝની ટ્રોફી સાથે ફોટો પણ ક્લિક કર્યા હતા.
અફઘાનિસ્તાનના ક્રિકેટે બીસીસીઆઈ ઓફિશિયલ્સ અને ભારતીય ખેલાડીઓની સાથે પસાર કરેલા સમયને કોહ-એ-ઝફર ઈવેન્ટનું નામ આપ્યું હતુ. જેનો અર્થ થાય છે સફળતાનું શિખર
અફઘાનિસ્તાને ટીમ ઈન્ડિયાને કેમ ડિનર પર બોલાવી?
ટીમ ઈન્ડિયાને ડિનર માટે બોલાવવા પાછળનું કારણ ભારત -અફઘાનિસ્તાન વચ્ચે મજબુત ક્રિકેટના સંબંધોને સેલિબ્રેટ કરવાનું હતુ. આ આયોજનની પાછળ કારણ ભારત-અફઘાનિસ્તાન ક્રિકેટ બોર્ડની લાંબા સમયથી ચાલી રહેલી સારી ફ્રેન્ડશીપનો જશ્ન મનાવવાનો હતો. કોહ-એ ઝફર નામથી કરવામાં આવેલી આ ઈવેન્ટમાં ખેલાડીઓની સાથે સાથે બંને દેશના ક્રિકેટ અધિકારીઓ પણ સામેલ હતા.
ટીમ ઈન્ડિયાનું થયું સન્માન
કોહ-એ-ઝફર દરમિયાન અફઘાનિસ્તાન ક્રિકેટ બોર્ડે ભારતીય ખેલાડીઓ અને બીસીસીઆઈના અધિકારીઓને મોમેન્ટો આપી સન્માનિત પણ કર્યા હતા.
IND-AFGના ખેલાડીઓએ શું કહ્યું?
ઈવેન્ટ દરમિયાન ભારત-અફઘાનિસ્તાનના ખેલાડીઓએ પોતાની ક્રિકેટ જર્નીને લઈ પોતાના અનુભવ શેર કર્યા હતા. ઈશાન કિશને માત્ર અફઘાનિસ્તાનના ખેલાડીઓના ટેલેન્ટ નહી પરંતુ તેને સારા માણસો પણ કહ્યા હતા.
મોહમ્મદ નબીએ ભારતને ક્રિકેટ રમવા માટે એક શાનદાર સ્થળ બતાવ્યું છે. તેમણે કહ્યું કે, તેમને હંમેશા ભારતમાં ક્રિકેટ રમવું સારું લાગે છે. નબીએ માન્યું કે, આઈપીએલમાં રમી તેની રમતમાં સુધારો આવ્યો છે.
ફ્રેન્ડશીપ ડિનર પછી ફ્રેન્ડશીપ કપ જીતવાનો સમય
અફઘાનિસ્તાન વિરુદ્ધ 3 મેચની ટી20 સીરિઝમાં ભારત2-0થી આગળ છે. હવે ત્રીજી મેચ દિલ્લીમાં રમાશે. આશા છે કે, ભારત અફઘાનિસ્તાનને ક્લીન સ્વીપ કરવાનો છે.
