Womens T20 World Cup 2026: ભારત સામે હાર બાદ પાકિસ્તાનને વધુ એક ઝટકો, ICC એ ફટકાર્યો દંડ

Womens T20 World Cup 2026: મહિલા T20 વર્લ્ડ કપ 2026 માં ભારત સામેની હાર બાદ પાકિસ્તાન મહિલા ક્રિકેટ ટીમ માટે વધુ એક ખરાબ સમાચાર સામે આવ્યા છે. ICC મહિલા T20 વર્લ્ડ કપ 2026 ની ગ્રુપ-A મેચમાં પાકિસ્તાને સ્લો ઓવર રેટના નિયમનું ઉલ્લંઘન કર્યું હતું, જેના કારણે આંતરરાષ્ટ્રીય ક્રિકેટ પરિષદે (ICC) પાકિસ્તાન મહિલા ક્રિકેટ ટીમને દંડ ફટકાર્યો છે.

ભારત સામે પાકિસ્તાનની કારમી હાર

બર્મિંગહામના એજબેસ્ટન સ્ટેડિયમમાં રમાયેલી આ હાઈ-વોલ્ટેજ મેચમાં પાકિસ્તાનને ભારત સામે પરાજયનો સામનો કરવો પડ્યો હતો. મેચ દરમિયાન પાકિસ્તાની ટીમ પોતાની નિર્ધારિત ઓવરો સમયસર પૂર્ણ કરી શકી નહોતી, જેના કારણે ICC એ મામલાની નોંધ લીધી હતી.

The story of yet another chapter of India Pakistan, one frame at a time

Make sure you are part of the action! Get your Women’s #T20WorldCup tickets ➡️ https://t.co/8kyuNOXKdL pic.twitter.com/0A9IHZ3XxI

— ICC (@ICC) June 14, 2026

 ICC એ પાકિસ્તાન ટીમને ફટકાર્યો દંડ

ICC ઈન્ટરનેશનલ પેનલ ઓફ મેચ રેફરી ટ્રુડી એન્ડરસને પાકિસ્તાન મહિલા ટીમને સ્લો ઓવર રેટ માટે જવાબદાર ઠેરવી હતી. ગણતરી કર્યા બાદ પણ પાકિસ્તાની ટીમ એક ઓવર પાછળ રહી હોવાનું સામે આવ્યું હતું.

ખેલાડીઓની મેચ ફીના પાંચ ટકા દંડની સજા

ICCના આચારસંહિતાના નિયમ 2.22 મુજબ, જો કોઈ ટીમ નિર્ધારિત સમયમાં પોતાની ઓવરો પૂર્ણ કરવામાં નિષ્ફળ જાય તો ખેલાડીઓની મેચ ફીમાંથી દંડ વસૂલવામાં આવે છે. આ જ નિયમ હેઠળ પાકિસ્તાની ખેલાડીઓની મેચ ફીના પાંચ ટકા દંડની સજા કરવામાં આવી છે.

#NEWSALERT: Pakistan Women’s team has been penalized 5% of their match fee for failing to maintain the required over-rate against India in the World Cup.#INDWvsPAKW #ICC pic.twitter.com/xNzfDp1teq

— CricTracker (@Cricketracker) June 16, 2026

T20માં પાકિસ્તાનને ડબલ ઝટકો

ભારત સામેની હાર બાદ મળેલો આ દંડ પાકિસ્તાન માટે ડબલ ઝટકા સમાન છે. વર્લ્ડ કપ જેવી મોટી ટુર્નામેન્ટમાં દરેક મેચ મહત્વપૂર્ણ હોય છે અને આવી ભૂલો ટીમ પર વધારાનું દબાણ ઊભું કરી શકે છે. હવે પાકિસ્તાન મહિલા ટીમ આગામી મેચોમાં કેવું પ્રદર્શન કરે છે તેના પર નજર રહેશે.

Vaibhav Sooryavanshi: શ્રીલંકન ખેલાડી સાથે લડાઈ બાદ વૈભવ સૂર્યવંશી શ્રીલંકામાં કોને પગે લાગ્યો? જુઓ VIDEO