Breaking News : RCBનો ફાસ્ટ બોલર લગ્નના બંધનમાં બંધાયો, જાણો તેની પત્ની શ્વેતા પુંડિર કોણ છે?
આરસીબીની ટીમનો સ્ટાર ફાસ્ટ બોલર યશ દયાલ લગ્નના બંધનમાં બંધાયો છે. તેના લગ્ન શ્વેતા પુંડિર સાથે થયા છે. તો ચાલો જાણીએ કોણ છે શ્વેતા પુંડિર
આરસીબીનો ફાસ્ટ બોલર યશ દયાલ હાલમાં પોતાની પ્રોફેશનલ લાઈફથી વધુ પર્સનલ લાઈફ તેમજ કાનુની મામલે ચર્ચામાં છે. યશ દયાલે ફેબ્રુઆરીમા નોઈડાની કન્ટેટ ક્રિએટર શ્વેતા પુંડીર સાથે લગ્નના બંધનમાં બંધાયો છે. તેમણે લગ્ન એટલા ચુપચાપ કર્યા હતા કે, ક્રિકેટ જગતમાં કોઈ પણ મોટો ચેહરો જોવા મળ્યો ન હતો. તેમના લગ્નમાં માત્ર પરિવારના લોકો જ સામેલ હતા. હજુ પણ યશ દયાલે પોતાના લગ્ન મામલે કોઈ ખુલાસો કર્યો નથી. પરંતુ તેની પત્ની શ્વેતાએ ઈન્સ્ટાગ્રામ પર વીડિયો પોસ્ટ કરી આ સસ્પેન્સ પરથી પડદો ઉઠાવ્યો છે.
યશ દયાલની લાઈફમાં ધમાલ
આ લગ્ન જેટલા શાંતિથી આયોજન કરવામાં આવ્યા હતા. તેટલી જ યશ દયાલની લાઈફમાં બબાલ મચી રહી છે. એક બાજુ તે વરરાજો બન્યો છે તો બીજી બાજુ તેના પર યૌન શોષણ જેવા ગંભીર આરોપ લાગેલા છે. એક મહિલાએ તેના પર લગ્નની લાલચ આપી યૌન શોષણનો આરોપ લગાવ્યો હતો. જેમાં તેના પર ધરપકડની તલવાર લટકી રહી હતી. જાન્યુઆરી 2026માં રાજસ્થાન હાઈકોર્ટે તેમને આગોતરા જામીન આપીને થોડી રાહત આપી હતી, નહીં તો કેસ જેલ સુધી પણ પહોંચી શક્યો હોત.
યશ પર નોંઘાયેલ છે કેસ
મુસીબતો પૂર્ણ થવાનું નામ લઈ રહી નથી. યશ પર એક સગીર ક્રિકેટર સાથે છેડતી કરવાનો પણ આરોપ છે. જયપુરની એક યુવતીનો દાવો છે કે, 2023માં, જ્યારે તે 17 વર્ષની હતી, ત્યારે દયાલે કારકિર્દીમાં આગળ વધવાના નામે તેનો ફાયદો ઉઠાવ્યો હતો. આ મામલે સાંગાનેર સદર પોલીસ સ્ટેશનમાં એફઆઈઆર દાખલ કરવામાં આવી છે. જોકે, યશના વકીલનો દાવો છે કે આ તેને ફસાવવાનું કાવતરું છે, અને ઘટનાના બે વર્ષ પછી એફઆઈઆર કેમ દાખલ કરવામાં આવી? હાલમાં, કોર્ટે તેને આ કેસમાં પણ વચગાળાનું રક્ષણ આપ્યું છે.
કોણ છે શ્વેતા પુંડીર?
શ્વેતા પુંડીર દિલ્હીની એક સોશિયલ મીડિયા ઈન્ફ્યુલન્સર તેમજ બ્લોગર છે. જેના ઈન્સ્ટાગ્રામ પર 5 લાખ 87 હજારથી વધુ ફોલોઅર્સ છે.તેમણે ઈન્ટરકોન્ટિનેટલ લીજેન્ડ્સમાં બ્રોડકાસ્ટના રુપમાં પણ કામ કર્યું છે.
આઈપીએલમાં જોવા મળશે યશ દયાળ
28 વર્ષના યશ દયાળ આઈપીએલમાં ફરી રોયલ ચેલેન્જર્સ બેંગ્લોરની જર્સીમાં જોવા મળશે. ગત્ત વખત પહેલી વખત આરસીબી ચેમ્પિયન બની હતી. આ ટીમનો ભાગ યશ દયાળ પણ હતો.પરંતુ હજુ સુધી ટીમ ઈન્ડિયાના ટેસ્ટ સ્કવોડ સુધી પહોંચ્યો નથી પરંતુ ડેબ્યુની રાહ જોઈ રહ્યો છે.
