પાકિસ્તાની ચાહકોને મોટો ઝટકો લાગ્યો છે. અહેવાલો દર્શાવે છે કે પાકિસ્તાનની ટીમ 3 ઓક્ટોબરથી યુએઈમાં શરૂ થનારી વર્લ્ડ ચેમ્પિયનશિપ ઓફ લિજેન્ડ્સ ટુર્નામેન્ટમાં ભાગ લઈ શકશે નહીં. પાકિસ્તાન લિજેન્ડ્સ ટીમને બાકાત રાખવામાં આવી છે.

પાકિસ્તાન WCL 2026માંથી બહાર

રસપ્રદ વાત એ છે કે, ટુર્નામેન્ટના પ્રોમો અને પોસ્ટરમાં પાકિસ્તાની ખેલાડીઓને દર્શાવવામાં આવ્યા હતા, પરંતુ હવે પાકિસ્તાની મીડિયા દાવો કરે છે કે પાકિસ્તાની ટીમને ટુર્નામેન્ટમાં ભાગ લેવાથી પ્રતિબંધિત કરવામાં આવી છે. પાકિસ્તાની મીડિયા અનુસાર, ભારત અને પાકિસ્તાન વચ્ચે ચાલી રહેલા તણાવને કારણે પાકિસ્તાની ચેમ્પિયન ટીમને WCL 2026 માંથી બહાર કરવામાં આવી છે.

WCLમાં ભારત-પાકિસ્તાન મેચ નહીં હોય

વર્લ્ડ ચેમ્પિયનશિપ ઓફ લિજેન્ડ્સ પહેલાના અહેવાલો અનુસાર, PCB એ ટીમને ટુર્નામેન્ટમાં “પાકિસ્તાન” નામનો ઉપયોગ કરવા પર પ્રતિબંધ મૂક્યો છે. જેથી ટીમ હવે ટુર્નામેન્ટમાં ભાગ જ નથી લઈ રહી. સત્તાવાર સમયપત્રક મુજબ, પાકિસ્તાન તેની પહેલી મેચ 3 ઓક્ટોબરે શારજાહમાં બાંગ્લાદેશ ચેમ્પિયન્સ સામે રમવાનું હતું, ત્યારબાદ 10 ઓક્ટોબરે દુબઈમાં ભારત સામે મેચ રમવાની હતી.

BAD NEWS FOR PAKISTAN!!!

– Pakistani cricketers will not be able to participate in the World Championship of Legends (WCL).

– Last year, India refused to play against the Pakistan Champions.(Saleem khaliq). pic.twitter.com/iQ42OcuFrf

— Talha Nawaz (@TalhaDigital007) September 28, 2026

નિવૃત્ત ભૂતપૂર્વ ક્રિકેટરો ભાગ લેશે

વર્લ્ડ ચેમ્પિયનશિપ ઓફ લિજેન્ડ્સમાં હવે ભારત, ઓસ્ટ્રેલિયા, બાંગ્લાદેશ, ઈંગ્લેન્ડ, દક્ષિણ આફ્રિકા અને વેસ્ટ ઈન્ડિઝની ટીમો ભાગ લેશે. આ ટીમોમાં નિવૃત્ત ભૂતપૂર્વ ક્રિકેટરોનો સમાવેશ થાય છે.

ભારતે પાકિસ્તાન સામે રમવાનો ઇનકાર કર્યો હતો

પાકિસ્તાનને બાકાત રાખવાનું મુખ્ય કારણ ગયા વર્ષે ભારતીય ટીમનો નિર્ણય માનવામાં આવે છે. પહેલગામ આતંકવાદી હુમલા અને ત્યારબાદ થયેલા સંઘર્ષ બાદ, ભારતીય ટીમે પાકિસ્તાની ચેમ્પિયન સામે રમવાનો ઇનકાર કર્યો હતો. આમ છતાં, પાકિસ્તાન ફાઇનલમાં પહોંચ્યું અને ટુર્નામેન્ટ જીતી ગયું. હવે જ્યારે પાકિસ્તાન બહાર થઈ ગયું છે, ત્યારે ભારતીય ટીમ આ ટુર્નામેન્ટમાં ભાગ લેશે. પ્રથમ વખત, આ ટુર્નામેન્ટ ઇંગ્લેન્ડની બહાર યોજાશે.

Breaking News Asian Games 2026: નીરજ ચોપરાની ગેરહાજરી છતાં ભાલા ફેંકમાં ભારતે જીત્યા બે મેડલ, યશવીર-રોહિતે કર્યો કમાલ