MLC 2026: નાઈટ રાઈડર્સ આવું કરનારી ક્રિકેટ જગતની પ્રથમ ફ્રેન્ચાઈઝી બની, પરંતુ પહેલી મેચમાં મળી મોટી હાર
ક્રિકેટ જગતમાં પહેલીવાર એક ફ્રેન્ચાઇઝીએ પોતાનું આંતરરાષ્ટ્રીય સ્તરનું ક્રિકેટ સ્ટેડિયમ તૈયાર કરીને ઇતિહાસ રચ્યો છે. મેજર લીગ ક્રિકેટ 2026માં નાઈટ રાઈડર્સે આ ઐતિહાસિક સિદ્ધિ હાંસલ કરી, પરંતુ યાદગાર અવસરને જીત સાથે ઉજવી શકી નહીં. પોતાના જ નવા મેદાન પર રમાયેલી પ્રથમ મેચમાં ટીમને વોશિંગ્ટન ફ્રીડમ સામે કારમી હારનો સામનો કરવો પડ્યો.
નાઈટ રાઈડર્સ ફ્રેન્ચાઈઝીએ ક્રિકેટના ઈતિહાસમાં પોતાનું નામ સુવર્ણ અક્ષરોમાં લખાવ્યું છે. તે પોતાનું આંતરરાષ્ટ્રીય ક્રિકેટ સ્ટેડિયમ બનાવનારી વિશ્વની પ્રથમ વૈશ્વિક ક્રિકેટ બ્રાન્ડ બની ગઈ છે. મેજર લીગ ક્રિકેટ (MLC) 2026 ની પ્રથમ મેચ સત્તાવાર રીતે લોસ એન્જલસના નાઈટ રાઈડર્સ ક્રિકેટ ગ્રાઉન્ડ ખાતે યોજાઈ હતી. જો કે, આ ઐતિહાસિક અને ખાસ ઓપનિંગ મેચમાં યજમાન ટીમ લોસ એન્જલસ નાઈટ રાઈડર્સ (LAKR) ને વોશિંગ્ટન ફ્રીડમના હાથે હારનો સામનો કરવો પડ્યો.
નાઈટ રાઈડર્સનું પોતાનું ક્રિકેટ સ્ટેડિયમ
લોસ એન્જલસ નાઈટ રાઈડર્સ અને વોશિંગ્ટન ફ્રીડમ વચ્ચે રમાયેલી આ ઐતિહાસિક મેચમાં, વોશિંગ્ટન ટીમે પોતાનું વર્ચસ્વ દર્શાવ્યું અને જીત મેળવી. ટોસ જીતીને પ્રથમ બેટિંગ કરવાનો નિર્ણય લેતા, લોસ એન્જલસ નાઈટ રાઈડર્સ વોશિંગ્ટન ફ્રીડમની તીક્ષ્ણ બોલિંગ સામે સંપૂર્ણપણે લાચાર હતા. સ્ટાર બેટ્સમેન કોલિન મુનરો, આન્દ્રે ફ્લેચર અને રોવમેન પોવેલ લાંબા સમય સુધી ક્રીઝ પર ટકી શક્યા નહીં. પરિણામે, ટીમ સંપૂર્ણ 20 ઓવર રમવામાં નિષ્ફળ ગઈ, અને 17.5 ઓવરમાં 108 રન પર ઓલઆઉટ થઈ ગઈ હતી.
KKR franchise has now built its own stadium
“Knight Riders Cricket Field” in Pomona, California
(They became 1st ever franchise to have their own stadium)The 1st ever match at this historic venue was between Los Angeles Knight Riders v Washington Freedom.
But the debut didn’t… pic.twitter.com/nbKI4FYQC9
— (@Shebas_10dulkar) July 2, 2026
સ્ટેડિયમમાં યોજાઈ પહેલી મેચ
નાઈટ રાઈડર્સની શરૂઆત સારી રહી ન હતી. ઓપનર આન્દ્રે ફ્લેચર વહેલા આઉટ થઈ ગયો. કોલિન મુનરોએ પણ ફક્ત 25 રનનું યોગદાન આપ્યું. ત્યારબાદ રોવમેન પોવેલે સૌથી ઝડપી ઇનિંગ રમી, 19 બોલમાં 30 રન બનાવ્યા, પરંતુ તે પણ તેને મોટા સ્કોરમાં રૂપાંતરિત કરી શક્યો નહીં. આ દરમિયાન, વોશિંગ્ટન ફ્રીડમની બોલિંગ જોરદાર રહી. સૌરભ નેત્રાવલકરે 4 ઓવરમાં 16 રન આપીને 3 વિકેટ લીધી. મિશેલ ઓવેને પણ 3 વિકેટ લીધી. બેન દ્વારશુઈસ અને ઈયાન હોલેન્ડે 2-2 વિકેટ લીધી.
નાઈટ રાઈડર્સની હાર
લક્ષ્યનો પીછો કરવા ઉતરેલી ફ્રીડમ્સ ટીમે આક્રમક શરૂઆત કરી હતી, પરંતુ સુનીલ નારાયણે શરૂઆતમાં જ બે વિકેટ ઝડપી હતી. મિશેલ ઓવેન અને એન્ડ્રુ ગોસ સસ્તામાં આઉટ થયા હતા. સ્ટીવ સ્મિથ (કેપ્ટન) 40રન બનાવી અણનમ રહ્યો હતો. માર્ક ચેપમેને શાનદાર 34 રન બનાવ્યા હતા. વોશિંગ્ટન ફ્રીડમે 17.1 ઓવરમાં ચાર વિકેટ ગુમાવીને લક્ષ્ય હાંસલ કરી લીધું હતું.
IND vs ENG: ઈંગ્લેન્ડ શ્રેણી માટે વિરાટ કોહલીની ખાસ ટ્રેનિંગ, આ દિગ્ગજ ક્રિકેટર સાથે અલીબાગમાં સ્પેશિયલ સેશન
Published On - 5:49 pm, Thu, 2 July 26
