સનરાઇઝર્સ હૈદરાબાદે IPL 2026 માં પાવરપ્લેમાં 105 રન બનાવીને ઇતિહાસ રચ્યો. આ 2026 સિઝનની પ્રથમ છ ઓવરમાં કોઈપણ ટીમ દ્વારા બનાવેલ સૌથી વધુ સ્કોર છે. પંજાબ કિંગ્સ સામેની મેચમાં અભિષેક શર્મા અને ટ્રેવિસ હેડે ભારે તબાહી મચાવી હતી. અભિષેક શર્માએ પ્રથમ છ ઓવરમાં 300 ના સ્ટ્રાઇક રેટથી રમતા 66 રન બનાવ્યા હતા.

SRH એ પાવરપ્લેમાં સૌથી મોટો સ્કોર બનાવ્યો

પંજાબ કિંગ્સ સામે પહેલી છ ઓવરમાં 105 રન બનાવી સનરાઇઝર્સ હૈદરાબાદે IPL 2026 માં સૌથી મોટો પાવરપ્લે સ્કોર બનાવ્યો. આ મેચમાં એક દિવસ પહેલા જ, રાજસ્થાન રોયલ્સે RCB સામે પાવરપ્લેમાં 97 રન બનાવ્યા હતા જે આ સિઝનનો સૌથી મોટો પાવરપળે સ્કોર હતો જે હવે SRHના નામે થઈ ગયો છે. તે મેચમાં, વૈભવ સૂર્યવંશીએ માત્ર 15 બોલમાં ફિફ્ટી ફટકારીને બોલરો સામે તબાહી મચાવી હતી.

• 105 રન – સનરાઇઝર્સ હૈદરાબાદ VS પંજાબ કિંગ્સ
• 97 રન – રાજસ્થાન રોયલ્સ VS રોયલ ચેલેન્જર્સ બેંગલુરુ

This form of brotherhood pic.twitter.com/Tm6DjzN3u4

— SunRisers Hyderabad (@SunRisers) April 11, 2026

ત્રણ વાર 100 થી વધુ રન બનાવનાર પહેલી ટીમ

સનરાઇઝર્સ હૈદરાબાદ IPLના ઇતિહાસમાં ત્રણ અલગ-અલગ પ્રસંગોએ પાવરપ્લેમાં 100 કે તેથી વધુ રન બનાવનારી પહેલી ટીમ છે. SRH એ અગાઉ 2024 માં દિલ્હી કેપિટલ્સ સામે છ ઓવરમાં 125 રન બનાવ્યા હતા, જે IPLમાં સૌથી વધુ પાવરપ્લે સ્કોર છે. તે જ સિઝનમાં, હૈદરાબાદે લખનૌ સુપરજાયન્ટ્સ સામે પ્રથમ છ ઓવરમાં 107 રન બનાવ્યા હતા.

IPL ઈતિહાસમાં સૌથી મોટા પાવરપ્લે સ્કોર

125 રન – સનરાઇઝર્સ હૈદરાબાદ VS દિલ્હી કેપિટલ્સ 107 રન – સનરાઇઝર્સ હૈદરાબાદ VS લખનૌ સુપર જાયન્ટ્સ 105 રન – સનરાઇઝર્સ હૈદરાબાદ VS પંજાબ કિંગ્સ 105 રન – કોલકાતા નાઈટ રાઈડર્સ VS રોયલ ચેલેન્જર્સ બેંગલુરુ 100 રન – ચેન્નાઈ સુપર કિંગ્સ VS પંજાબ કિંગ્સ

અભિષેક-હેડની આક્રમક જોડી

આ મેચમાં અભિષેક શર્માએ 28 બોલમાં 74 રન બનાવ્યા, જ્યારે તેના ઓપનિંગ પાર્ટનર ટ્રેવિસ હેડે 23 બોલમાં 38 રન બનાવ્યા. SRH માટે તેણે મળીને 9 છગ્ગા અને 10 ચોગ્ગા ફટકાર્યા. અભિષેક અને હેડે ફક્ત બાઉન્ડ્રીથી 94 રન બનાવ્યા. અભિષેક હવે તેના IPL કારકિર્દીમાં 2,000 રન પૂરા કરવાથી માત્ર 76 રન દૂર છે.

Breaking News: અય્યર-આર્યાના તોફાનમાં ધોવાયું હૈદરાબાદ, 219 રન આપવા છતાં જીત્યું પંજાબ કિંગ્સ