Breaking News: 10 કિલો વજન વધારવાની વાતથી થયો ટ્રોલ, હવે 10 ચોગ્ગા-છગ્ગા ફટકારી આપ્યો જડબાતોડ જવાબ

પંજાબ કિંગ્સના યુવા ઓપનર પ્રભસિમરન સિંહે મુંબઈ ઈન્ડિયન્સ સામે શાનદાર બેટિંગ પ્રદર્શન કર્યું. તેણે HPCA સ્ટેડિયમમાં ચોગ્ગા અને છગ્ગાનો વરસાદ કર્યો, જેમાં તેણે પોતાની ક્લાસ દર્શાવી. આ મેચ પહેલા, પ્રભસિમરન સિંહને તેના વજનમાં વધારા માટે ટીકાઓનો સામનો કરવો પડી રહ્યો હતો.

10 કિલો વજન વધવાની વાત પર થયો ટ્રોલ

અહેવાલોમાં દાવો કરવામાં આવ્યો હતો કે IPL દરમિયાન તેનું વજન લગભગ 10 કિલો વધ્યું હતું, જે તેના પ્રદર્શનને અસર કરી રહ્યું હતું. જોકે, પ્રભસિમરને આ મેચમાં 10 ચોગ્ગા અને છગ્ગા ફટકારીને ટીકાકારોને જવાબ આપ્યો હતો.

તોફાની ઈનિંગ રમી આપ્યો જવાબ

મુંબઈ ઈન્ડિયન્સ સામેની આ મેચમાં પ્રભસિમરન સિંહે 32 બોલમાં 57 રન બનાવ્યા, જેમાં છ ચોગ્ગા અને ચાર છગ્ગાનો સમાવેશ થાય છે. તેણે 178.12 ના સ્ટ્રાઈક રેટથી આ રન બનાવ્યા. આ વર્તમાન સિઝનમાં તેની પાંચમી અડધી સદી છે. સ્ટેન્ડમાં બેઠેલી પંજાબ કિંગ્સની સહ-માલિક પ્રીતિ ઝિન્ટા આ ઈનિંગ જોઈને ખુશ થઈ ગઈ. તેણીએ ઉભા થઈને તાળીઓ પાડી, તેની ખુશી કેમેરામાં કેદ થઈ હતી.

પ્રભસિમરનને બે જીવનદાન મળ્યા

આ ઇનિંગ દરમિયાન પ્રભસિમરન સિંહને બે જીવનદાન મળ્યા હતા . નમન ધીરે બીજી ઓવરમાં જ તેનો કેચ છોડ્યો, ત્યારે પ્રભસિમરન ફક્ત 5 રન પર હતો. ત્યારબાદ કોર્બિન બોશે તેને બીજું જીવનદાન આપ્યું અને કેચ ડ્રોપ કર્યો ત્યારે તે 28 રન પર હતો. પ્રભસિમરને બંને તકોનો લાભ ઉઠાવ્યો અને પંજાબ કિંગ્સને મજબૂત શરૂઆત અપાવી. પ્રભસિમરનની ફોર્મમાં વાપસી પણ પંજાબ માટે સારા સમાચાર છે, કારણ કે તેની પાછલી ત્રણ ઇનિંગ ખૂબ જ ખરાબ રહી હતી.

પંજાબનો સૌથી વધુ રન બનાવનાર ખેલાડી

આ ઇનિંગ સાથે પ્રભસિમરન સિંહ ચાલુ સિઝનમાં પંજાબનો સૌથી વધુ રન બનાવનાર ખેલાડી બની ગયો છે. તેણે 12 મેચોમાં 11 ઇનિંગમાં 43.90 ની સરેરાશથી 439 રન બનાવ્યા છે. નોંધનીય છે કે, તેણે આ રન 170.15 ના સ્ટ્રાઇક રેટથી બનાવ્યા છે, જે ટીમને જોરદાર શરૂઆત કરવામાં મદદ કરી રહ્યું છે.

Breaking News: મહિલાઓ પર અપમાનજનક ટિપ્પણી કરવા બદલ યુવરાજ સિંહના પિતા યોગરાજ સિંહ વિરુદ્ધ કેસ દાખલ