Breaking News: IPL 2026 શરુ થવાના ત્રણ દિવસ પહેલા ગુજરાત ટાઈટન્સમાં મોટો ફેરફાર, આ ખેલાડીની અચાનક ટીમમાં એન્ટ્રી
IPL 2026 ની શરૂઆત પહેલા ગુજરાત ટાઇટન્સમાં એક મોટો ફેરફાર થયો છે. ડાબોડી ઝડપી બોલર પૃથ્વી રાજને ઈજા થઈ હતી અને તેના સ્થાને અન્ય એક ભારતીય ફાસ્ટ બોલરનો ટીમમાં સમાવેશ કરવામાં આવ્યો છે.
ગુજરાત ટાઇટન્સમાં મોટો ફેરફાર થયો છે. IPLમાં છ મેચ રમી ચૂકેલો એક નવો ડાબોડી ફાસ્ટ બોલર ટીમમાં જોડાયો છે. આ ખેલાડી IPL 2026 ની હરાજીમાં વેચાયો ન હતો, પરંતુ બીજા ખેલાડીની ઇજાને કારણે હવે તેને ટુર્નામેન્ટમાં પ્રવેશ મળ્યો છે.
કુલવંત ખેજરોલિયા ગુજરાત ટાઇટન્સમાં સામેલ
ડાબોડી ફાસ્ટ બોલર કુલવંત ખેજરોલિયાને ગુજરાત ટાઇટન્સ દ્વારા ₹30 લાખની બેઝ પ્રાઈઝ પર સાઇન કરવામાં આવ્યો છે. ફાસ્ટ બોલર પૃથ્વી રાજની ઇજાને કારણે તેની પસંદગી કરવામાં આવી હતી. ખેજરોલિયાએ ગયા સિઝનમાં ગુજરાત ટાઇટન્સ માટે એક મેચ રમી હતી. તે KKR અને RCB માટે પણ રમી ચૂક્યો છે.
કુલવંત ખેજરોલિયાની કારકિર્દી
કુલવંત ખેજરોલિયાએ IPLમાં 8 મેચોમાં 6 વિકેટ લીધી છે, જોકે તે ઘણો મોંઘો સાબિત થયો છે. તેનો ઇકોનોમી રેટ પ્રતિ ઓવર 10.6 રન છે. ડોમેસ્ટિક T20માં તેણે 26 મેચોમાં 27 વિકેટ લીધી છે, તેનો ઇકોનોમી રેટ પ્રતિ ઓવર 8.1 રન છે. ફર્સ્ટ-ક્લાસ ક્રિકેટમાં તેણે 27 મેચોમાં 73 વિકેટ લીધી છે. તેણે લિસ્ટ Aમાં 75 વિકેટ લીધી છે.
Gujarat Titans have picked Kulwant Khejroliya as injured Prithviraj Yarra’s replacement in #IPL2026 pic.twitter.com/TiRe9W8DT7
— Cricbuzz (@cricbuzz) March 25, 2026
ગુજરાત પાસે ઝડપી બોલરોની ફોજ
ગુજરાત ટાઇટન્સની ટીમ આશિષ નેહરા દ્વારા કોચ કરવામાં આવી છે, અને ભૂતપૂર્વ ફાસ્ટ બોલરે ફાસ્ટ બોલરોની એક મજબૂત ટીમ બનાવી છે. ટીમમાં કાગીસો રબાડા, મોહમ્મદ સિરાજ, પ્રસિદ્ધ કૃષ્ણા, ગુરનુર બ્રાર, ઇશાંત શર્મા, અશોક શર્મા અને લ્યુક વુડનો સમાવેશ થાય છે. કુલવંતના ઉમેરાથી તેમના બોલિંગ આક્રમણને વધુ મજબૂત બનાવવામાં આવ્યું છે.
IPL 2026 માટે ગુજરાત ટાઇટન્સની ટીમ
શુભમન ગિલ, જોસ બટલર, કુમાર કુશાગરા, અનુજ રાવત, ટોમ બેન્ટન, ગ્લેન ફિલિપ્સ, સાઈ સુદર્શન, નિશાંત સિંધુ, વોશિંગ્ટન સુંદર, મોહમ્મદ અરશદ ખાન, સાઈ કિશોર, જયંત યાદવ, જેસન હોલ્ડર, રાહુલ તેવટિયા, શાહરૂખ ખાન, કાગીસો રબાડા, મોહમ્મદ સિરાજ, પ્રસિદ કૃષ્ણ, માનવ સુથાર, ગુરનુર બ્રાર, ઈશાંત શર્મા, અશોક શર્મા, કુલવંત ખેજરોલિયા, લ્યુક લુડ અને રાશિદ ખાન.
