Breaking News : 0,0,0,0,0… જસપ્રીત બુમરાહ હીરોમાંથી ઝીરો કેમ બન્યો, આ છે સાચું કારણ
Jasprit Bumrah In IPL 2026: મુંબઈ ઈન્ડિયન્સના સ્ટાર ફાસ્ટ બોલર જસપ્રીત બુમરાહ દુનિયાનો સૌથી ધાતક બોલર માનવામાં આવે છે. પરંતુ આ આઈપીએલ 2026માં તે એક સંકટમાંથી પસાર થઈ રહ્યો છે. તેને અત્યારસુધી એક પણ વિકેટ મળી નથી.
મુંબઈ ઈન્ડિયન્સનો સ્ટાર ફાસ્ટ બોલર જસપ્રીત બુમરાહ આઈપીએલ 2026માં વિકેટ શોધી રહ્યો છે. ટૂર્નામેન્ટની 5 મેચ રમી ચૂકેલા બુમરાહનું વિકેટનું ખાતું હજુ સુધી ખુલ્યું નથી. આ તેના કરિયરનું સૌથી લાંબો વિકેટલેસ સિલસિલો છે. જે ચાહકોને વધુ પરેશાન કરી રહ્યો છે. મુંબઈ ઈન્ડિયન્સનો સૌથી મોટો હીરો માનવામાં આવતો જસપ્રીત બુમરાહ આ સીઝનમાં ટીમ માટે ઝીરો સોબિત થયો છે. ના વિકેટ લઈ શક્યો છે તેમજ રનન પર રોકી શક્યો નથી. જે મેનેજમેન્ટ માટે સૌથી ચિંતાજનક વાત છે.
જસપ્રીત બુમરાહની હાલત ખરાબ
આઈપીએલ 2026માં જસપ્રીત બુમરાહે અત્યારસુધી પંજાબ કિંગ્સ, રોયલ ચેલેન્જર્સ બેંગ્લુરુ, રાજસ્થાન રોયલ્સ,દિલ્હી કેપિટલ્સ અને કોલકાતા નાઈટ રાઈડર્સ વિરુદ્ધ બોલિંગ કરી છે. આ મેચમાં તેમણે કુલ 164 રન બનાવ્યા છે. તેમજ તેનો ઈકોનોમી રેટ 8.63નો રહ્યો છે.જે હાઈ સ્કોરિંગ આઈપીએલમાં ખરાબ માની શકાય પરંતુ બુમરાહ જેવા સ્ટ્રાઈક બોલર પાસે વિકેટોની આશા હંમેશા વધારે રહે છે.
બુમરાહનું આ પ્રદર્શન આઈપીએલમાં તેના શાનદાર કરિયર મુકાબલે બિલકુલ અલગ છે. સામાન્ય રીતે તેને મેચ બદલનાર બોલર માનવામાં આવે છે, પરંતુ આ વખતે બેટ્સમેન તેને સરળતાથી શોધી રહ્યા છે. બુમરાહના ફોર્મ છતાં મુંબઈ ઈન્ડિયન્સ પણ સંઘર્ષ કરી રહી છે. ટીમ સતત ચાર હારનો સામનો કરી ચૂકી છે અને પોઈન્ટ ટેબલ પર નવમા સ્થાને છે.
જસપ્રીત બુમરાહ કેમ ફ્લોપ રહ્યો?
બેટ્સમેન હવે જસપ્રીત બુમરાહની સામે પહેલાથી વધારે આક્રમક અને આત્મવિશ્વાસ સાથે રમી રહ્યા છે. પહેલા જ્યાં બુમરાહનું નામ સાંભળતા બેટ્સમેન સતર્ક રહી જતાં હતા. હવે મોટા શોર્ટસ લગાવવાથી પણ ડરે છે. હવે આ કોઈ પણ ડર વગર શોર્ટ રમી રહ્યા છે. તેના બોલનો સામનો કરવાની બેટિંગ અપ્રોચમાં સ્પષ્ટ બદલાવ જોવા મળી રહ્યો છે. જે બુમરાહની વિકેટ લેવાની ક્ષમતા પર અસર નાંખે છે.
આ સિવાય તેના બોલિંગ પ્લાનમાં પણ એક મોટો બદલાવ જોવા મળી રહ્યો છે. બુમરાહના ફોર્મમાં મોટી સમસ્યા નથી.પરંતુ તેની બોલિંગમાં સ્લોઅર ડિલીવરીનો ઉપયોગ વધારે થઈ રહ્યો છે. આ સીઝનમાં તે પોતાની 44 ટકા બોલ સ્લોઅર નાંખી રહ્યો છે. જેમાં તેની ગતિ ઘટી અંદાજે 130 કિલોમીટર પ્રતિ કલાકની થઈ છે. આટલી વધારે સ્લોઅર બોલ હોવાથી બેટ્સમેન સરળતાથી રમવા માટે તૈયાર હોય છે. જો બુમરાહ ફાસ્ટ બોલિંગ કરે છે, તો તેના ધીમા બોલ વધુ અસરકારક બની શકે છે.
