ભારત અને વેસ્ટ ઈન્ડિઝ વચ્ચે એક રોમાંચક T20 શ્રેણી ચાલી રહી છે. આ દરમિયાન, ક્રિકેટ વેસ્ટ ઈન્ડિઝના CEO ક્રિસ ડેરિંગે આંતરરાષ્ટ્રીય ક્રિકેટ પરિષદ (ICC) ના દ્વિપક્ષીય શ્રેણીના આવક મોડેલ પર આકરા પ્રહારો કર્યા છે. વર્તમાન સિસ્ટમને સંપૂર્ણપણે ખામીયુક્ત ગણાવતા ડેરિંગે કહ્યું કે વર્તમાન વેસ્ટ ઈન્ડિઝ પ્રવાસથી યજમાન દેશ માટે આશરે $20 થી $30 મિલિયનની જંગી આવક થશે, પરંતુ મુલાકાતી ટીમ તરીકે વેસ્ટ ઈન્ડિઝને તેમાંથી કંઈ મળશે નહીં. ડેરિંગે સ્પષ્ટતા કરી કે 100 ટકા આવક યજમાન દેશને જવાના નિયમે કેરેબિયન ક્રિકેટની કરોડરજ્જુ તોડી નાખી છે અને રમતને પતનની અણી પર ધકેલી દીધી છે.

વેસ્ટ ઈન્ડિઝે ICCના આવક મોડેલ પર ઉઠાવ્યા સવાલ

વિઝડનના ધ સ્કૂપ સાથે વાત કરતા, ક્રિસ ડેરિંગે ICC પર સવાલ ઉઠાવ્યા. 1997 પહેલા જ્યારે પણ વેસ્ટ ઈન્ડિઝની ટીમ વિદેશ પ્રવાસ કરતી હતી, ત્યારે બોર્ડને એક નિશ્ચિત પ્રવાસ ફી મળતી હતી. ડેરિંગના મતે આ ફી ઘણીવાર વેસ્ટ ઈન્ડિઝ બોર્ડ કેરેબિયનમાં શ્રેણીનું આયોજન કરીને કમાઈ શકે તેવી આવક કરતાં વધી જતી હતી, કારણ કે તે સમયે વેસ્ટ ઈન્ડિઝ વિશ્વની સૌથી લોકપ્રિય ટીમ હતી.

આવક મોડેલથી વેસ્ટ ઈન્ડિઝ ક્રિકેટનું પતન!

ડેરિંગે યાદ કરતાં કહ્યું, “જ્યારે ICC સભ્ય દેશોએ આ મોડેલ બદલવા માટે મતદાન કર્યું ત્યારે હું ત્યાં હાજર હતો. વેસ્ટ ઈન્ડિઝનો 9-1ના માર્જિનથી પરાજય થયો હતો. મેં ત્યારે પણ કહ્યું હતું કે આ નિર્ણયથી વેસ્ટ ઈન્ડિઝ ક્રિકેટના પતન પર મહોર લાગી છે, જેનાથી આપણી આવકનો સ્ત્રોત છીનવાઈ ગયો છે.” તેમણે વધુમાં કહ્યું કે આ નિયમને કારણે ભારત તેની 1.4 અબજથી વધુ વસ્તી દ્વારા ઉત્પન્ન થતી બધી આવક રાખી શકે છે, જ્યારે વેસ્ટ ઈન્ડિઝને ફક્ત એન્ટિગુઆ (વસ્તી 100,000) અથવા સેન્ટ કિટ્સ (વસ્તી 30,000) જેવા નાના ટાપુઓમાંથી થતી આવક પર આધાર રાખવો પડે છે.

ICCના રેવન્યૂ વહેંચણીમાં પણ મોટો તફાવત

દ્વિપક્ષીય શ્રેણી પ્રવાસ ઉપરાંત, ICCના રેવન્યૂ વહેંચણીમાં નોંધપાત્ર તફાવત છે. ભારતીય ક્રિકેટ કંટ્રોલ બોર્ડ (BCCI) તેના બજાર હિસ્સા અને નોંધપાત્ર કમાણીને કારણે ICCના આવકનો સૌથી મોટો હિસ્સો, 38 ટકાથી વધુ મેળવે છે. દરમિયાન, વેસ્ટ ઈન્ડિઝ ક્રિકેટ બોર્ડને ICC ભંડોળનો માત્ર 5 ટકા જ મળે છે. ડેરિંગ માને છે કે જ્યાં સુધી મુલાકાતી ટીમોને દ્વિપક્ષીય શ્રેણીના આવકનો વાજબી હિસ્સો આપવામાં નહીં આવે, ત્યાં સુધી નાના ક્રિકેટ બોર્ડનું અસ્તિત્વ જોખમમાં રહેશે.

8 છગ્ગા-19 ચોગ્ગા સાથે 173 રન… સેહવાગની તોફાની ઈનિંગ છતાં હારી ગઈ ટીમ