ભારત અને વેસ્ટ ઈન્ડિઝ વચ્ચેની પાંચ મેચની T20 શ્રેણીની અંતિમ મેચ બેંગલુરુમાં રમાઈ રહી છે. જોકે, સતત વરસાદને કારણે નિર્ધારિત સમયે ટોસ થઈ શક્યો નહોતો. લાંબી રાહ બાદ વરસાદ બંધ થતાં આયોજકોએ મેચ 9-9 ઓવરની રમાડવાનો નિર્ણય લીધો.

વરસાદને કારણે મેચ રાત્રે 9:15 વાગ્યે શરૂ થશે

મૂળ કાર્યક્રમ મુજબ ટોસ સાંજે 6:30 વાગ્યે થવાનો હતો. પરંતુ વરસાદના કારણે તેમાં વિલંબ થયો. હવે ટોસ રાત્રે 9 વાગ્યે અને મેચની શરૂઆત રાત્રે 9:15 વાગ્યે નક્કી કરવામાં આવી હતી. ઓછા સમયમાં મેચ પૂરી કરવા માટે ઓવરોની સંખ્યા ઘટાડવામાં આવી છે.

Update from Bengaluru

Toss in the 5th #INDvWI T20I has been delayed until the rain stops ️

Stay tuned for further updates.

#TeamIndia | @mflone_ https://t.co/nOcOtny5Vu

— BCCI (@BCCI) October 17, 2026

મેચના નવા નિયમો શું છે?

નવા ફોર્મેટમાં દરેક બોલર વધુમાં વધુ બે ઓવર નાખી શકશે. આ ઉપરાંત પાવરપ્લે 2.4 ઓવર એટલે કે પ્રથમ 16 બોલનો રહેશે. આ દરમિયાન ફિલ્ડિંગ પર નિયંત્રણ હોવાથી બેટ્સમેનોને ઝડપી રન બનાવવાની તક મળશે. બીજી તરફ, બોલરોએ ઓછી ઓવરમાં વધુ વિકેટ મેળવવા માટે અસરકારક બોલિંગ કરવી પડશે.

બંને ટીમો માટે પડકારજનક સ્થિતિ

આ મેચમાં ભારતીય ટીમ માટે બેટિંગની શરૂઆતથી જ આક્રમક અભિગમ અપનાવવો મહત્ત્વનો રહેશે. નવ ઓવરની ઇનિંગમાં વિકેટ ગુમાવ્યા વિના ઝડપથી રન બનાવવા બંને ટીમો માટે પડકારજનક રહેશે. એક નાની ભાગીદારી પણ મેચનું પાસું બદલી શકે છે.

Here’s a look at #TeamIndia’s Playing XI for the series decider!

: Nitish Kumar Reddy was not available for selection in the fifth T20I against West Indies due to illness.

Match updates ▶️ https://t.co/hpGnrNyZVS

#INDvWI | @mflone_ https://t.co/iy5XLSGiSt

— BCCI (@BCCI) October 17, 2026

વરસાદ ફરી શરૂ થાય તો કોણ જીતશે ટ્રોફી?

ભારત અને વેસ્ટ ઈન્ડિઝ વચ્ચેની શ્રેણી હાલમાં 2-2થી બરાબર છે. જો વરસાદ ફરી શરૂ થાય અને મેચનું પરિણામ ન આવે, તો શ્રેણી ડ્રો જાહેર થશે અને ટ્રોફી બંને ટીમો વચ્ચે વહેંચાશે. ભારત ઘરઆંગણે શ્રેણી જીતવા ઇચ્છશે, જ્યારે વેસ્ટ ઈન્ડિઝ પાસે પણ શ્રેણી પોતાના નામે કરવાની તક છે.

IND vs WI: ખેલાડી પણ માણસ છે… ટીમ ઈન્ડિયાના બોલરો પર સવાલ ઉઠતાં બોલિંગ કોચને આવ્યો ગુસ્સો