Breaking News: વૈભવ સૂર્યવંશીના ડેબ્યૂ માટે કોનું પત્તું કપાશે? પ્લેઈંગ-11 માં આ ખેલાડી પર લટકતી તલવાર

ભારતની આયર્લેન્ડ સામેની T20 શ્રેણી પહેલા સૌથી મોટી ચર્ચા 15 વર્ષીય વૈભવ સૂર્યવંશીના સંભવિત ડેબ્યૂને લઈને ચાલી રહી છે. જો વૈભવને પ્લેઇંગ-11માં સ્થાન મળે છે, તો ટીમ મેનેજમેન્ટે કોઈ એક સેટ બેટ્સમેનને બહાર બેસાડવો પડશે. હવે પ્રશ્ન એ છે કે આ નિર્ણયનો ભોગ કોણ બનશે?

Vaibhav Suryavanshi Image Credit source: X/BCCI

Smit Chauhan | Updated on: Jun 24, 2026 | 10:05 PM

ભારત અને આયર્લેન્ડ વચ્ચેની T20 શ્રેણી દરમિયાન તમામની નજર વૈભવ સૂર્યવંશી પર રહેશે. IPL અને તાજેતરના ઘરેલુ ક્રિકેટમાં પોતાની આક્રમક બેટિંગથી ચર્ચામાં આવેલા આ યુવા ખેલાડીને ડેબ્યૂ કરવાની તક મળવાની પૂરી શક્યતા છે. જોકે, તેના માટે પ્લેઇંગ-11માં જગ્યા બનાવવી ટીમ મેનેજમેન્ટ માટે સરળ નિર્ણય નહીં હોય.

ગૌતમ ગંભીર-શ્રેયસ અય્યર સામે સૌથી મોટો પ્રશ્ન

મુખ્ય કોચ ગૌતમ ગંભીર અને કેપ્ટન શ્રેયસ અય્યર સામે સૌથી મોટો પ્રશ્ન એ છે કે વૈભવને સામેલ કરવા માટે કયા ખેલાડીને બહાર રાખવો. હાલમાં ટોપ ઓર્ડરમાં અભિષેક શર્મા, સંજુ સેમસન અને ઈશાન કિશન જેવા ખેલાડીઓ મજબૂત દાવેદાર છે અને ત્રણેયનું તાજેતરનું પ્રદર્શન પણ શાનદાર રહ્યું છે.

સંજુ, ઈશાન, અભિષેકમાંથી કોઈને ડ્રોપ કરશે?

T20 વર્લ્ડ કપ 2026માં સંજુ સેમસને પાંચ ઇનિંગ્સમાં 321 રન બનાવ્યા હતા અને પ્લેયર ઓફ ધ ટુર્નામેન્ટનો એવોર્ડ જીત્યો હતો. બીજી તરફ, ઈશાન કિશને 317 રન બનાવીને ટીમની સફળતામાં મહત્વની ભૂમિકા ભજવી હતી. અભિષેક શર્માએ ભલે કુલ રન ઓછા બનાવ્યા હોય, પરંતુ ફાઇનલમાં તેની મેચવિનિંગ ઇનિંગ્સે ટીમને ખિતાબ અપાવ્યો હતો.

Vaibhav Suryavanshi, Abhishek Sharma and Sanju Samson together at Dublin Airport after Team India’s arrival in Ireland.

Who should open for Team India in the 1st T20I against Ireland? pic.twitter.com/AOl9i2CGNg

— Sonu (@Cricket_live247) June 24, 2026

ઈશાન ઓપનિંગ અને નંબર-3 બંનેમાં ફીટ

જો IPL 2026ના આંકડા પર નજર કરીએ તો અભિષેકે 563, ઇશાને 602 અને સંજુએ 477 રન બનાવ્યા હતા. ત્રણેય ખેલાડીઓ સતત સારું પ્રદર્શન કરી રહ્યા છે. ખાસ કરીને ઇશાને ઓપનિંગ અને નંબર-3 બંને સ્થાને સફળતા મેળવી છે, જેના કારણે તેનું સ્થાન સૌથી વધુ સુરક્ષિત માનવામાં આવે છે.

સંજુ સેમસન પર સૌથી વધુ દબાણ

આ પરિસ્થિતિમાં સૌથી વધુ દબાણ સંજુ સેમસન પર જોવા મળી શકે છે. ભવિષ્યને ધ્યાનમાં રાખીને ટીમ મેનેજમેન્ટ અભિષેક અને વૈભવની ઓપનિંગ જોડી અજમાવી શકે છે. જો આવું થાય, તો પ્રથમ મેચમાં સંજુને બહાર બેસવું પડી શકે છે. જોકે, લાંબી શ્રેણીને ધ્યાનમાં રાખતા આગામી મેચોમાં અભિષેક, સંજુ અને ઇશાન ત્રણેયને રોટેશન હેઠળ તક મળવાની સંભાવના પણ નકારી શકાય નહીં.