
T20 વર્લ્ડ કપ 2026નો શાનદાર પ્રારંભ થઈ ચૂક્યો છે. મુંબઈના ઐતિહાસિક વાનખેડે સ્ટેડિયમમાં રમાઈ રહેલી ગ્રુપ સ્ટેજની મહત્વની મેચમાં યજમાન ભારતનો સામનો અમેરિકા સામે થઈ રહ્યો છે. સૂર્યકુમાર યાદવની કેપ્ટનશીપ હેઠળ ટીમ ઈન્ડિયા જીત સાથે આગાઝ કરવાના ઈરાદાથી મેદાનમાં ઉતરી છે, પરંતુ મેચની શરૂઆત ધારણા મુજબ રહી નથી. ટોસ અને શરૂઆત યુએસએની ટીમે ટોસ જીતીને પ્રથમ બોલિંગ કરવાનો નિર્ણય લીધો હતો. ભારત તરફથી અભિષેક શર્મા અને ઈશાન કિશનની જોડીએ ઇનિંગની શરૂઆત કરી હતી. ઈશાન કિશને શાનદાર સિક્સર ફટકારીને ભારતનું ખાતું ખોલાવ્યું હતું, પરંતુ પ્રથમ ઓવરમાં ટીમ માત્ર 7 રન જ બનાવી શકી હતી.
ઝડપી વિકેટોનું પતન ટીમ ઈન્ડિયાને પહેલો મોટો ઝટકો ત્યારે લાગ્યો જ્યારે યુવા ઓપનર અભિષેક શર્મા ‘ગોલ્ડન ડક’ (0 રન) પર આઉટ થઈ ગયો. 8 રનના સ્કોર પર પ્રથમ વિકેટ ગુમાવ્યા બાદ ટીમ દબાણમાં આવી ગઈ હતી. ત્યારબાદ ઈશાન કિશન 16 બોલમાં 20 રન બનાવીને વાન શલ્કવિકનો શિકાર બન્યો હતો.
મધ્યમ ક્રમ નિષ્ફળ ટીમનો સ્કોર હજુ 46 રન સુધી પહોંચ્યો હતો ત્યાં જ તિલક વર્મા 25 રનની ઇનિંગ રમીને પેવેલિયન પરત ફર્યો હતો. ભારત માટે સૌથી મોટો આઘાત ત્યારે લાગ્યો જ્યારે શિવમ દુબે પણ શૂન્ય રને (પહેલા જ બોલે) આઉટ થઈ ગયો. 46 રનના સ્કોર પર ભારતની 4 મહત્વની વિકેટો પડી જતાં ભારતીય છાવણીમાં ચિંતા પ્રસરી ગઈ હતી.
વર્તમાન સ્થિતિ 8 ઓવરના અંતે ભારતનો સ્કોર 4 વિકેટના નુકસાને 52 રન છે. અત્યારે કેપ્ટન સૂર્યકુમાર યાદવ અને રિંકુ સિંઘ ક્રિઝ પર હાજર છે. જેમા રિંકુ સિંઘ 14 બોલમા 6 રન બનાવીને પેવેલિયન ભેગા થયા હતાં આને હાલમા, સૂર્યકુમાર યાદવ અને અક્સર પટેલની સારી ભાગીદારી ચાલી રહી છે.