વિદેશ પ્રવાસમાં પરિવારજનોને સાથે ન લઈ જવા અંગે ખેલાડીઓમાં બળવા જેવી સ્થિતિ સર્જાતા આખરે ઝૂક્યું BCCI !

જ્યારે વિશ્વનું સૌથી ધનિક અને સૌથી શક્તિશાળી ક્રિકેટ બોર્ડ BCCI કોઈ પણ નિર્ણય લે છે, ત્યારે દરેક વ્યક્તિ તેની સામે ઝૂકી જાય છે પરંતુ હવે કંઈક બીજું જ જોવા મળી રહ્યું છે. અહેવાલો અનુસાર, BCCI પોતે ખેલાડીઓના પરિવારો અંગે બનાવેલા નિયમો સામે ઝૂકવા જઈ રહ્યું છે. જો મીડિયા રિપોર્ટ્સ પર વિશ્વાસ કરવામાં આવે તો, BCCI વિદેશી પ્રવાસ પર ખેલાડીઓના પરિવારો અંગેના નિયમોમાં ફેરફાર કરવા જઈ રહ્યું છે.

પરિવારને પ્રવાસ પર લઈ જવા પરવાનગી

એવું કહેવામાં આવી રહ્યું છે કે નવા નિયમ હેઠળ, જો ખેલાડીઓ તેમના પરિવારને મોટા પ્રવાસો પર લઈ જવા માંગતા હોય, તો તેઓ BCCI પાસેથી પરવાનગી લઈ શકે છે. તાજેતરમાં, અનુભવી ખેલાડી અને ભૂતપૂર્વ ભારતીય કેપ્ટન વિરાટ કોહલીએ આ નિયમ વિરુદ્ધ નિવેદન આપ્યું હતું અને હવે BCCI સૂત્રો તરફથી આ નિયમ બદલવાના સમાચાર આવી રહ્યા છે.

BCCIએ કયો નિયમ બનાવ્યો?

ઓસ્ટ્રેલિયા ટેસ્ટ શ્રેણીમાં કારમી હાર બાદ BCCIએ તમામ ખેલાડીઓ માટે કડક મુસાફરી નીતિ જારી કરી હતી. BCCIએ વિદેશી પ્રવાસ દરમિયાન ખેલાડીઓના પરિવારોની હાજરીમાં નોંધપાત્ર ઘટાડો કર્યો હતો. BCCIના નવા નિયમો હેઠળ ખેલાડીઓ તેમની પત્નીઓ, બાળકોને અથવા પરિવારને ફક્ત બે અઠવાડિયા માટે જ સાથે લઈ જઈ શકે છે.

વિરાટ-રોહિત આ નિયમથી નાખુશ

BCCIના નવા નિયમથી વિરાટ અને રોહિત જેવા ખેલાડીઓ આ નિયમથી નાખુશ હતા અને હવે આ નિયમ ફરીથી બદલાવા જઈ રહ્યો છે. તાજેતરમાં જ વિરાટ કોહલીએ કહ્યું હતું કે મોટી મેચો કે મુશ્કેલ મેચોમાં, ખરાબ સમયમાં તેમના પરિવાર પાસે જવાથી ખેલાડીઓનો તણાવ ઓછો થાય છે. તેમના આ નિવેદનને ઘણા દિગ્ગજોએ સમર્થન આપ્યું હતું. આવી સ્થિતિમાં, હવે એવું લાગે છે કે BCCI આમાં છૂટ આપવા જઈ રહ્યું છે.

ટીમ ઈન્ડિયાને ઈંગ્લેન્ડ પ્રવાસ પર જવું પડશે

BCCI માટે આ નિર્ણય લેવો પણ મહત્વપૂર્ણ છે કારણ કે ટીમ ઈન્ડિયાને IPL પછી ઈંગ્લેન્ડના લાંબા પ્રવાસ પર જવાનું છે. આ પ્રવાસ 20 જૂનથી શરૂ થશે અને 4 ઓગસ્ટ સુધી લગભગ 2 મહિના સુધી ચાલશે. આવી સ્થિતિમાં, ખેલાડીઓ આટલા લાંબા સમય સુધી તેમના પરિવારથી દૂર રહી શકશે કે કેમ તે એક મોટો પ્રશ્ન છે. તમને જણાવી દઈએ કે ટીમ ઈન્ડિયાને ઈંગ્લેન્ડ સામે પાંચ ટેસ્ટ મેચની શ્રેણી રમવાની છે. આ મેચ હેડિંગ્લી, એજબેસ્ટન, લોર્ડ્સ, ઓલ્ડ ટ્રેફોર્ડ અને ધ ઓવલ ખાતે રમાશે.

આ પણ વાંચો: Pakistan : પાકિસ્તાની ખેલાડીઓનો પગાર મજૂરો કરતા ઓછો થયો, હવે ફક્ત આટલા પૈસા મળશે

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો