અચાનક બંધ થઈ આ T20 લીગ, પાકિસ્તાન-બાંગ્લાદેશના ખેલાડીઓને મોટો ઝટકો

T20 ક્રિકેટ લીગના વૈશ્વિક નેટવર્કે ઘણા ખેલાડીઓને વિવિધ દેશોમાં રમવાની તક આપી છે. ભારતીય ખેલાડીઓ સિવાય તમામ દેશોના ખેલાડીઓ વિવિધ લીગમાં રમી રહ્યા છે. જોકે, આવી એક લીગને રદ કરવાનો અચાનક નિર્ણય લેવામાં આવ્યો છે, જેના કારણે ઘણા દેશોના ખેલાડીઓની કમાણી પર અસર પડી શકે છે. આ નિર્ણય બાંગ્લાદેશ ક્રિકેટ બોર્ડ દ્વારા લેવામાં આવ્યો હતો. BCBએ તેમની T20 લીગ, BPL ની નવી સીઝન રદ કરી દીધી છે.

બાંગ્લાદેશે BPL બંધ કરી દીધી

એક મોટો નિર્ણય લેતા બાંગ્લાદેશ ક્રિકેટ બોર્ડ (BCB) ના નવા પ્રમુખ તમીમ ઇકબાલે બાંગ્લાદેશ પ્રીમિયર લીગની આગામી સીઝન રદ કરવાનો નિર્ણય લીધો છે. હવે આ T20 લીગમાં એક નવો વિવાદ ઉમેરાયો છે. આ T20 લીગ દર વર્ષે વિવાદોમાં ફસાયેલી રહી છે, અને તેનું કારણ પાછલી સીઝનના વિવાદો છે. તમીમ ઇકબાલે બાંગ્લાદેશી લીગમાં ચાલી રહેલા ભ્રષ્ટાચાર અને નાણાકીય ફરિયાદોને કારણે આ નિર્ણય લીધો છે.

BPLથી BCBને મોટું નાણાકીય નુકસાન

તમીમે જણાવ્યું હતું કે BPLથી બોર્ડને મોટું નાણાકીય નુકસાન થયું છે, અને અસંખ્ય ફરિયાદોએ બોર્ડને મુશ્કેલ સ્થિતિમાં મૂક્યું છે. પરિણામે, BCBએ લીગની આગામી સીઝનનું આયોજન ન કરવાનો નિર્ણય લીધો છે. તમીમે સ્પષ્ટતા કરી હતી કે T20 લીગનું વર્તમાન ફોર્મેટ બોર્ડ માટે આર્થિક રીતે નફાકારક નથી અને તેને બદલવાના પ્રયાસો કરવામાં આવશે. તેમણે સ્પષ્ટતા કરી હતી કે લીગથી બોર્ડને ફાયદો થવો જોઈએ, નુકસાન નહીં.

પાકિસ્તાનની ખેલાડીઓ આવકનો સ્ત્રોત ગુમાવશે

પાકિસ્તાન, વેસ્ટ ઈન્ડિઝ, શ્રીલંકા અને ઈંગ્લેન્ડના ઘણા ફેમસ ક્રિકેટરો બાંગ્લાદેશ T20 લીગમાં રમી ચૂક્યા છે. ગયા સિઝનમાં એલેક્સ હેલ્સ, અબરાર અહેમદ અને મોહમ્મદ આમિર સહિત ઘણા વિદેશી ખેલાડીઓએ લીગમાં ભાગ લીધો હતો, પરંતુ હવે તેઓ આ આવકનો સ્ત્રોત ગુમાવશે. જોકે, આ લીગમાં પૈસા કમાવવા ખેલાડીઓ માટે સરળ નહોતા, કારણ કે ગયા સિઝનમાં એક ફ્રેન્ચાઇઝી તેના ખેલાડીઓના પગાર સમયસર ચૂકવવામાં નિષ્ફળ ગઈ હતી, જેના કારણે સીઝન અચાનક બંધ કરવી પડી હતી.

The Hundred: કાવ્યા મારનની ટીમ ફાઇનલમાં હારી ગઈ, આ અનુભવી બોલરે લીધી નિવૃત્તિ