શુભમન ગિલે કેપ્ટન બનતાની સાથે જ કહી મોટી વાત, હાર્દિક પંડ્યા પર ઉઠાવ્યા સવાલ?

શુભમન ગિલ ઈન્ડિયન પ્રીમિયર લીગ 2024માં ગુજરાત ટાઈટન્સનો કેપ્ટન રહેશે. આ યુવા ખેલાડીને આ જવાબદારી એટલા માટે આપવામાં આવી છે કારણ કે હાર્દિક પંડ્યા ટીમ છોડીને મુંબઈ ઈન્ડિયન્સમાં પાછો ફર્યો છે. શુભમન ગિલ કેપ્ટનશિપની જવાબદારી સંભાળવા તૈયાર છે. જો કે ગુજરાત ટાઈટન્સનો કેપ્ટન બનતાની સાથે જ શુભમન ગિલે કંઈક એવું કહ્યું જેના પછી હોબાળો મચી ગયો.

શુભમન ગિલે વફાદારી વિશે વાત કરી

વાસ્તવમાં, ગુજરાત ટાઈટન્સે શુભમન ગિલ સાથેની વાતચીતનો એક ખાસ ભાગ સોશિયલ મીડિયા પર શેર કર્યો છે, જેમાં તે વફાદારી વિશે વાત કરતો જોવા મળી રહ્યો છે. તેના આ શબ્દના ઉપયોગ બાદ જ લોકો તેને હાર્દિક પંડ્યા પર નિશાના તરીકે જોઈ રહ્યા છે.

શુભમન ગિલે હાર્દિક પંડ્યા પર નિશાન સાધ્યું?

શુભમન ગિલે કહ્યું કે અમે જાણીએ છીએ કે કેપ્ટનશિપમાં અનેક પ્રકારની જવાબદારીઓ આવે છે જેમાં સખત મહેનત મહત્વની હોય છે અને વફાદારી પણ તેમાંથી એક છે. શુભમન ગિલે વફાદારી શબ્દનો ઉપયોગ કરતાની સાથે જ લોકોએ હાર્દિક પંડ્યાને ટ્રોલ કરવાનું શરૂ કરી દીધું હતું. જે છેલ્લી બે સિઝનમાં ગુજરાત ટાઈટન્સનો કેપ્ટન હતો અને IPL 2024 પહેલા તે અચાનક મુંબઈ ઈન્ડિયન્સની ટીમ સાથે જોડાઈ ગયો હતો.

શુભમન ગિલ વિશે મોટી વસ્તુઓ

શુભમન ગિલે કહ્યું કે તે કેપ્ટનશિપ મેળવીને ખૂબ ખુશ છે. શુભમન ગિલે જણાવ્યું, ‘IPLમાં રમવું દરેક ખેલાડીનું સપનું હોય છે. હું 7-8 વર્ષનો હતો ત્યારે IPLની શરૂઆત થઈ હતી. હવે આ લીગમાં ટીમની કેપ્ટનશિપ કરવી એ મોટી વાત છે. શુભમન ગિલે કહ્યું કે કેપ્ટનશિપ માટે તમારે શિસ્ત, સખત મહેનત અને વફાદારીની જરૂર છે. હું ઘણા મોટા કેપ્ટનની ટીમમાં રમ્યો છું. હું તેમની પાસેથી જે પણ શીખ્યો છું તે મને IPLમાં મને મદદરૂપ થશે.

આ પણ વાંચો: આફ્રિકા પ્રવાસ માટે ભારતીય ટીમમાં 4 ખેલાડીઓનું સ્થાન નિશ્ચિત, જાણો કોણ છે આ પ્લેયર્સ