અર્શદીપ સિંહ પાસે ખાસ ‘હેટ્રિક’ નોંધાવવાની તક, શું ઇંગ્લેન્ડનો બેટ્સમેન આ શરમજનક રેકોર્ડથી બચી શકશે?
ટીમ ઈન્ડિયાને છેલ્લી બે ટી20 મેચમાં હારનો સામનો કરવો પડ્યો હતો. પરંતુ અર્શદીપ સિંહે આ બંને મેચોમાં ટીમને મજબૂત શરૂઆત અપાવી હતી. ટીમને હારનો સામનો કરવો પડ્યો હોવા છતાં, અર્શદીપે પોતાની સારી છાપ છોડી હતી.
ટીમ ઈન્ડિયાને ઈંગ્લેન્ડ પ્રવાસમાં ફક્ત હારનો સામનો કરવો પડ્યો છે. હવે જ્યારે ટીમ ઈન્ડિયા સતત હારનો સામનો કરી રહી છે, ત્યારે સ્પષ્ટ છે કે મોટાભાગના ખેલાડીઓ ખરાબ પ્રદર્શન કરી રહ્યા છે. ડાબા હાથના ફાસ્ટ બોલર અર્શદીપ સિંહ સહિત માત્ર થોડા ખેલાડીઓ નોંધપાત્ર રીતો ટીમને સારી શરૂઆત અપાવી રહ્યા છે. છેલ્લી બે ટી20 મેચમાં અર્શદીપ સિંહે જે રીતે ઇનિંગ્સ શરૂ કરી છે તે મહત્વપૂર્ણ રહ્યું છે. હવે પાંચમી ટી20 મેચમાં, તેની પાસે એવી શરૂઆત કરવાની તક છે જે હેટ્રિક પૂર્ણ કરી શકે છે.
પાંચ મેચની ટી20 સિરીઝ પહેલેથી જ ગુમાવી ચૂકેલી ટીમ ઈન્ડિયા માટે હવે માત્ર પ્રતિષ્ઠાનો પ્રશ્ન છે. આજે શનિવાર 11 જુલાઈએ સાઉથહેમ્પટનમાં સિરીઝની પાંચમી અને અંતિમ ટી20 મેચ રમાશે. આ મેચ જીતવી ટીમ માટે છેલ્લી તક છે. તેમાં સફળ થવા માટે દરેક ખેલાડીએ પોતાનું સર્વશ્રેષ્ઠ પ્રદર્શન કરવું પડશે. બોલિંગમાં આ જવાબદારી અર્શદીપ સિંહ પર રહેશે.
શું અર્શદીપ સતત ત્રીજી મેડન ઓવર ફેંકશે?
આ સિરીઝમાં કોઈ ભારતીય બોલરે સારું પ્રદર્શન કર્યું નથી. અર્શદીપને પણ વધારે સફળતા મળી નથી. પરંતુ તેણે અન્ય બોલરો કરતાં સારી તકો ઉભી કરી છે. છેલ્લી બે મેચમાં તેણે જે રીતે ઇનિંગની શરૂઆત કરી તે ખાસ કરીને પ્રભાવશાળી રહી હતી. ત્રીજી મેચમાં આ લયને પુનરાવર્તિત કરીને તે એક મહત્વપૂર્ણ સિદ્ધિ મેળવી શકશે.
અર્શદીપ સિંહ પાસે હેટ્રિક નોંધાવવાની તક
ત્રીજી અને ચોથી ટી20 મેચમાં, અર્શદીપે ઇંગ્લેન્ડની ઇનિંગની પહેલી ઓવર ફેંકી હતી. જે બંને મેડન રહી હતી. આનો અર્થ એ થયો કે ત્રીજી અને ચોથી ટી20 મેચમાં ઇંગ્લેન્ડના બેટ્સમેન પ્રથમ ઇનિંગમાં કોઈ રન બનાવી શક્યા ન હતા. ન તો વાઈડ કે નો-બોલથી કોઈ રન ચૂકવવામાં આવ્યા હતા. જો અર્શદીપ સિંહ ત્રીજી મેચમાં પણ આવું જ કરશે તો તે સતત ત્રણ ટી20 આંતરરાષ્ટ્રીય મેચોમાં મેડન ઓવર નાખનાર પ્રથમ બોલર બનશે.
સોલ્ટ માટે એક મોટો પડકાર
જ્યાં એક તરફ અર્શદીપ પાસે ખાસ રેકોર્ડ બનાવવાની તક છે, ત્યાં બીજી તરફ ઇંગ્લેન્ડના ઓપનર ફિલ સોલ્ટ સામે અનિચ્છનીય રેકોર્ડથી બચવાનો પડકાર છે. છેલ્લા બંને મેચમાં પ્રથમ મેડન ઓવર રમનાર બેટ્સમેન ફિલ સોલ્ટ જ હતો. બંને મેચમાં તે અર્શદીપના પહેલા ઓવરમાં એકપણ રન બનાવી શક્યો નહોતો. છેલ્લી મેચમાં ઇંગ્લેન્ડને ચાર રન મળ્યા હતા. પરંતુ તે લેગ બાય તરીકે મળ્યા હતા. જે બોલરના ખાતામાં ઉમેરાતા નથી. જ્યારે ત્રીજી ટી20માં તમામ છ બોલ ડોટ રહ્યા હતા. હવે સોલ્ટ સામે પડકાર રહેશે કે તેઓ સતત ત્રણ મેડન ઓવર રમનાર પ્રથમ બેટ્સમેન ન બને.
