Cricket: ક્રિસ ગેઇલનો ધ્રુસ્કે ધ્રુસ્કે રડતો વિડીયો થવા લાગ્યો વાયરલ, એવુ તો શુ ઘટ્યુ કે રડવા લાગ્યો

વેસ્ટઇન્ડીઝ (West Indies) ના વિસ્ફોટક બેટ્સમેન ક્રિસ ગેઇલ (Chris Gayle) જ્યારે મેદાન પર હોય ત્યારે તેની બેટીંગ વડે દર્શકોને ખૂબ મનોરંજન કરાવતો હોય છે. તો વળી જ્યારે તે મેદાન થી બહાર હોય ત્યારે તે કંઇકના કંઇક એવી હરકતો કરતો રહે છે કે જેનાથી તે ચર્ચામાં રહે છે. ગેઇલ તેનુ વ્યક્તિગત જીવન ખૂબજ નિખાલસતા થી ખુલીને જીવે છે. તે સોશિયલ મીડિયા પર મસ્તી કરતો પણ નજરે પડતો હોય છે. તે પાર્ટીઓ પણ માણતો નજરે ચઢતો હોય છે. જોકે આ દરમ્યાન તેનો એક વિડીયો એવો પણ સામે આવ્યો છે કે, જેમાં તે રડતો નજર આવી રહ્યો છે.

ગેઇલ તેની માતાને યાદ કરીને ભાવુક થઇ ગયો હતો. ગેઇલ મધર્સ ડેને લઇને તેની માતાને યાદ કરતા રડી પડ્યો હતો. તેણે પોતાના સોશિયલ મીડિયા પર પણ તે વિડીયો શેર કર્યો છે, જેમાં તે રડતો નજર આવી રહ્યો છે. ગેઇલ કહ્યુ હતુ કે, માં હું તને ખૂબ પ્યાર કરુ છુ, તે મને નથી રોકી શકતા. મને ખ્યાલ છે કે તમને મારા પર ગર્વ હશે. તમને ખૂબ યાદ કરી રહ્યો છુ. આઇ મિસ યુ. તમારી યાદ હંમેશા મારી સાથે રહેશે.

આગળ પણ ગેઇલ એ કહ્યુ હતુ કે, મને ખ્યાલ છે જતા પહેલા તમે મને ઘણું બધુ કહેવા માંગતા હતા. હું જીવન જીવ ભરીને જીવીશ. તમે અમને ખવરાવવા માટે ખૂબ સંઘર્ષ કર્યો છે. આપણે વાતો કરતા રહીશુ. બીજી વાર મળીશુ માં. ગેઇલનો આ વિડીયો સોશિયલ મીડિયા પર ખૂબ વાયરલ થવા લાગ્યો છે.

https://twitter.com/Infidel_strike/status/1391670578281467906?s=20

ક્રિસ ગેઇલની માતાનુ વર્ષ 2018માં હ્રદયરોગના હુમલાથી નિધન થયુ હતુ. ગેઇલ આ પહેલા પણ અનેક વાર પોતાની માતાને યાદ કરીને ભાવુક થઇ ચુક્યો છે. ગેઇલ આઇપીએલ 2021 ની સિઝનમાં પંજાબ કિંગ્સનો હિસ્સો હતો. તેણે 8 મેચ રમીને 178 રન બનાવ્યા હતા. હાલમાં આઇપીએલ સ્થગીત થવાને લઇને તે સ્વદેશ પરત ફરતા પહેલા માલદિવમાં અન્ય ખેલાડીઓ સાથે રોકાયો છે.