Pooja Gehlot CWG 2022: બ્રોન્ઝ જીત્યા બાદ પણ પૂજા ગેહલોતે દેશની માફી માંગી, તો PM મોદીએ કહ્યું આ ઉજવણીનો સમય છે
કોમનવેલ્થ ગેમ્સમાં કુસ્તીબાજો ભારત માટે ઘણા મેડલ જીત્યા છે. ભારતની પૂજા ગેહલોતને બ્રોન્ઝ મેડલ મળ્યો હતો. પરંતુ તેણે ગોલ્ડ ન જીતવા બદલ દેશની માફી માંગી હતી. તેના પર વડાપ્રધાન નરેન્દ્ર મોદીએ પૂજાને માફી ન માંગવા કહ્યું, પરંતુ આ ઉજવણીનો સમય છે. પૂજાનો ઈમોશનલ વીડિયો વાયરલ થઈ રહ્યો છે.
કોમનવેલ્થ ગેમ્સ 2022 (Commonwealth Games 2022) માં ભારત માટે મેડલનો વરસાદ થઈ રહ્યો છે. 50 કિગ્રા. પૂજા ગેહલોતે (Pooja Gehlot) ફ્રી સ્ટાઇલ રેસલિંગમાં દેશ માટે બ્રોન્ઝ મેડલ જીત્યો હતો. પરંતુ આ પછી પણ પૂજા ગેહલોતે દેશની માફી માંગી અને કહ્યું કે તે ગોલ્ડ મેડલ જીતી શકી નથી. પૂજા ભાવુક થઈ ગઈ અને ત્યારબાદ વડાપ્રધાન નરેન્દ્ર મોદી (Narendra Modi) એ તેને પ્રોત્સાહિત કરી.
બ્રોન્ઝ મેડલ જીત્યા બાદ જ્યારે પૂજા ગેહલોતે મીડિયા સાથે વાત કરી તો તેણે બધાની માફી માંગી. પૂજા ગેહલોતે કહ્યું કે હું હારી ગઈ. હું તેનાથી દુખી છું. હું દેશવાસીઓની માફી માંગુ છું. હું અહીં રાષ્ટ્રગીત વગાડવાની અપેક્ષા રાખતી હતી. પણ હારી ગઇ. મને હવે બ્રોન્ઝ મેડલ મળ્યો છે. હું મારી ભૂલો પર કામ કરીશ.
જાણો, વડાપ્રધાન નરેન્દ્ર મોદીએ પુજા ગેહલોતને શું કહ્યું
પૂજા ગેહલોત (Pooja Gehlot) નો ભાવુક બનતો વીડિયો વાયરલ થયો હતો અને ત્યાર બાદ વડાપ્રધાન નરેન્દ્ર મોદીએ પણ તેના પર કમેન્ટ કરી હતી. વડાપ્રધાન નરેન્દ્ર મોદીએ લખ્યું કે, પૂજા, તારો મેડલ સેલિબ્રેશન માટે છે. માફી માંગવા માટે નહીં. તમારી જીવનયાત્રા અમને પ્રેરણા આપે છે. તમારી સફળતા અમને ખુશ કરે છે. તમારા જીવનમાં કરવા માટે ઘણી મહાન વસ્તુઓ લખેલી છે. તમે હંમેશા આ રીતે ચમકતા રહો.
Pooja, your medal calls for celebrations, not an apology. Your life journey motivates us, your success gladdens us. You are destined for great things ahead…keep shining! ⭐️ https://t.co/qQ4pldn1Ff
— Narendra Modi (@narendramodi) August 7, 2022
#WATCH | India’s Pooja Gehlot gets emotional post winning a Bronze medal in the Women’s 50kg Freestyle Wrestling
“I apologise to my compatriots. I wished that the National Anthem be played here… But I will learn from my mistakes, and work on them,” says Wrestler Pooja Gehlot pic.twitter.com/LOHIMeMRHI
— ANI (@ANI) August 6, 2022
કોમનવેલ્થ ગેમ્સ 2022 માં પુજાએ સ્કોટિશ ખેલાડીને હરાવી કાંસ્ય પદક જીત્યો હતો
તમને જણાવી દઈએ કે કોમનવેલ્થ ગેમ્સ 2022 (Commonwealth Games 2022) માં પૂજા ગેહલોતે બ્રોન્ઝ મેડલ મેચમાં સ્કોટિશ ખેલાડીને 12-2 થી હરાવી હતી. કોમનવેલ્થ ગેમ્સ 2022 (CWG 2022) માં કુસ્તીમાં ભારત માટે સતત મેડલનો વરસાદ થઈ રહ્યો છે અને આ યાદીમાં પૂજા ગેહલોતનું નામ પણ સામેલ છે. આ ખેલાડીઓએ અત્યાર સુધી ભારત માટે ઘણા મેડલ જીત્યા છે.