કેપ્ટન કૂલ Dhoniની નવી કૂલ સ્ટાઈલ, તસ્વીર થઇ રહી છે વાયરલ

ટીમ ઈન્ડિયાના પૂર્વ કેપ્ટન મહેન્દ્ર સિંહ ધોની (Dhoni) હંમેશા તેના લુકને લઈને ચર્ચામાં રહે છે. ધોની તેની હેરસ્ટાઇલ અને લુક બદલતા રહે છે. જેનો ક્રેઝ ફેન્સમાં હમેશા રહે છે. ગત વર્ષે 15 ઓગસ્ટના રોજ ધોનીએ આંતરરાષ્ટ્રીય ક્રિકેટમાંથી નિવૃત્તિ લેવાની જાહેરાત કરી હતી. માહી યુએઈમાં રમાયેલી ઇન્ડિયન પ્રીમિયર લીગ (IPL)ની 13મી સીઝનમાં ચેન્નાઈ સુપર કિંગ્સના કેપ્ટન તરીકે જોવા મળ્યા હતા. ધોની આઈપીએલ 2021માં પણ રમશે.

ધોની લાંબા સમય બાદ નવા લુકમાં જોવા મળ્યો છે. જેની તસવીરો સોશિયલ મીડિયા પર જોરદાર વાયરલ થઈ રહી છે.

ધોની તાજેતરમાં એક એડ શૂટ માટે મુંબઇ પહોંચ્યા હતા. તે નવા અવતારમાં જોવા મળી રહ્યા છે. માહીએ ફરી એકવાર તેની હેરસ્ટાઇલ બદલી છે. આ નવી હેર સ્ટાઈલ તેને ખૂબ શોભે છે. ટીમ ઈન્ડિયાના પૂર્વ કેપ્ટને તેની સફેદ દાઢીને વિદાય આપી ચુક્યા છે.

ચેન્નઈ સુપર કિંગ્સની ટીમે આઈપીએલ 2021 માટે ફરી એકવાર મહેન્દ્રસિંહ ધોનીને તેમનો કેપ્ટન જાહેર કર્યો છે.