AHMEDABAD : અમિત શાહની મોટેરા સ્ટેડિયમમાં મેરેથોન મુલાકાત, સ્ટેડિયમના ઉદ્ધઘાટન સહિતના મુદ્દે કરી ચર્ચા

AHMEDABAD : કેન્દ્રીય ગૃહપ્રધાન અમિત શાહ હાલ અમદાવાદમાં છે. ત્યારે મનપાની ચૂંટણીમાં મતદાન કર્યા બાદ અમિત શાહે મોટેરા સ્ટેડિયમની મુલાકાત કરી હતી. સવારે 11 વાગ્યાથી 4.30 વાગ્યા સુધી અમિત શાહે સ્ટેડિયમમાં મીટિંગ યોજી હતી. જેમાં રાજ્યના ગૃહ વિભાગના અધિકારીઓ સાથે મુલાકાત યોજી હતી. આ બેઠકમાં પરીમલ નથવાણી, ધનરાજ નથવાણી સાથે પણ સ્ટેડિયમમાં મુલાકાત કરી હતી. આ બેઠકમાં ક્રિકેટ મેચ અને સ્ટેડિયમના ઉદ્દઘાટન અંગે ચર્ચા કરી હોવાની સંભાવના છે.મેચ દરમિયાન તમામ સુરક્ષા વ્યવસ્થાને લઈ પણ ડીજીપી સહિતના અધિકારીઓ સાથે ચર્ચા કરી હતી. અહીં નોંધનીય છેકે 5 કલાક કરતા વધુ સમયથી અમિત શાહ સ્ટેડિયમ પર રહ્યા હતા.