રાજ્યસભામાં YSRCPના સંસદસભ્યે, કૃષિબિલની ચર્ચામાં કોંગ્રેસનો ચૂંટણી ઢંઢેરો દર્શાવતા હોબાળો

ખેતી સાથે જોડાયેલા બિલ રાજ્યસભામાં રજૂ થયા બાદ, તેના પરની ચર્ચામાં હોબાળો થયો. રાજ્યસભામાં કૃષિબિલ પરની ચર્ચામાં બોલતા, YSRCPના સાંસદ વી વિજયસાઈ રેડ્ડીએ કોગ્રેસનો ચૂંટણી ઢંઢરો દર્શાવતા હોબાળો મચ્યો હતો. વી વિજયસાઈ રેડ્ડીએ કૃષિ બિલની તરફેણ કરતા કહ્યુ હતુ કે, કોંગ્રેસ ખેડૂતોના નામે પાખંડ કરે છે.

કોંગ્રેસે જે વચનો ચૂંટણી ઢંઢેરામાં આપ્યા હતા તેનો સમાવેશ આ બિલમાં કરાયો છે. આમ છતા, કોંગ્રેસ ખેડૂતોને ગેરમાર્ગે દોરીને રોડ ઉપર ઉતારી રહીને રાજકારણ રમી રહી છે. જો કે YSRCP સાંસદ વી. વિજયસાઈ રેડ્ડીએ કોંગ્રેસ માટે ઉચ્ચારેલા કેટલાક શબ્દોને કારણે કોંગ્રેસના સાંસદોએ વિરોધ કર્યો હતો. જેના પગલા રાજ્યસભામાં હોબાળો મચ્યો હતો.

રાજ્યસભાના અધ્યક્ષસ્થાનેથી વિજયસાઈ રેડ્ડીએ ઉચ્ચારેલા કેટલાક વિવાદાસ્પદ શબ્દો રેકોર્ડ પરથી દુર કરાયા હતા. જો કે, કોંગ્રેસના આનંદ શર્માએ વિજયસાઈ રેડ્ડી માફી માંગે તેવો આગ્રહ સેવ્યો હતો.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો