દિલ્હીમાં ત્રીજી વખત ઓડ-ઈવન યોજના કેટલીક નવી છૂટ સાથે લાગુ કરવામાં આવી રહી છે. નવા નિયમમાં મહિલાઓને છૂટ આપવામાં આવી છે. જો કે પહેલી વખતની જેમ CNG વાહનોને છૂટ મળશે નહીં. દિલ્હીના મુખ્યમંત્રીએ 12 ઓક્ટોબરે આ વાતની જાણકારી આપી છે.
આ સાથે ટૂવ્હિલરને આ નિયમમાંથી છૂટ મળશે કે નહીં..તે વાતની જાણ હજુ કરી નથી. આ વખતે નિયમના લાગુ કરવામાં નિષ્ણાતની સલાહ લેવાની વાત કરી રહ્યા છે. દિલ્હીમાં 4થી 15 નવેમ્બર સુધી આ નિયમ લાગુ કરાશે. વર્ષ 2016માં પહેલી વખત કેજરીવાલ સરકારે આ યોજના લાગુ કરી હતી. પ્રદૂષણ પર નિયંત્રણ લાવવા કેજરીવાલ સરકારે પ્રયોગ કર્યો હતો.
કયા નિયમ અનુસાર મહિલાઓને મળશે છૂટ
જો મહિલા એકમાત્ર કાર ચલાવતી હશે
કારમાં તમામ મહિલાઓ જ સવાર હશે
કારમાં મહિલા સાથે 12 વર્ષથી નાના બાળકો હશે
વાહનના નંબરના છેલ્લા આંકડાના આધારે ઓડ-ઈવનના નિયમને લાગુ કરાશે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
જો કે આ મુદ્દે કેન્દ્રીય પરિવહન પ્રધાન નીતિન ગડકરીએ કહ્યું હતું કે, મારા મત અનુસાર આ પ્રકારની કોઈ જરૂરિયાત લાવવી જોઈએ. અમે જે નવા રિંગ રોડ બનાવ્યા તેનાથી પ્રદૂષણમાં ઘટાડો થયો છે. અને આગામી યોજનાથી દિલ્હીને પ્રદૂષણ મુક્ત બનાવવામાં આવશે.