કોણ છે એ વ્યક્તિ જેને અરવિંદ કેજરીવાલને જાહેરમાં થપ્પડ મારી દીધી?

દિલ્હીના મુખ્યમંત્રી અરવિંદ કેજરીવાલને જાહેરમાં થપ્પડ મારનાર યુવકની ઓળખ થઈ ગઈ છે. ઉલ્લેખનીય છે કે કેજરીવાલને એક રેલીમાં પ્રચાર વખતે શનિવારના રોજ યુવકે થપ્પડ મારી દીધી હતી.

દિલ્હીના મુખ્યમંત્રી અરવિંદ કેજરીવાલ જ્યારે દિલ્હીની લોકસભા સીટના મોતીનગર ખાતે ખુલ્લી જીપમાં પ્રચાર કરી રહ્યાં હતા ત્યારે એક યુવકે આવીને તેમને થપ્પડ મારી દીધી હતી. આ પહેલી વખત નથી કે કેજરીવાલ પર હુમલો થયો હોય તેમની પર અગાઉ વિવિધ પ્રકારે 12 જેટલાં હુમલા થયા છે.

આ પણ વાંચો: ગુજરાતમાં હાર્દિક બાદ દિલ્હીમાં પોતાના ઉમેદવારનો પ્રચાર કરતા અરવિંદ કેજરીવાલને ખુલ્લી જીપમાં થપ્પડ, કહ્યું કે આ રાજનૈતિક પાર્ટીના લોકોએ કર્યો હુમલો

પોલીસે આ યુવકની ધરપકડ અને તેનું નામ સુરેશ છે. સુરેશ કૈલાસ પાર્કમાં રહે છે અને તે સ્પેર પાર્ટનું કામ કરે છે. હાલમાં પોલીસે તેની અટકાયત કરી છે અને મોતીનગર પોલીસ સ્ટેશનમાં તેને લઈ જવામાં આવ્યો છે. પોલીસ પૂછપરછ બાદ જ જાણી શકાશે છે કે 33 વર્ષના સુરેશે શા માટે એક મુખ્યમંત્રી પર પોતાનો હાથ ઉપાડ્યો?

આ ઘટનાને લઈને આમ આદમી પાર્ટીના નેતાઓએ સુરક્ષાનો ટોપલો મોદી સરકાર પર ઢોળી દીધો છે અને રોષ ઠાલવતા કહ્યું કે શું મોદી અને અમિત શાહી કેજરીવાલની હત્યા કરી દેવા માગે છે?

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]