Viral Audio: અમિત માલવિયના દાવા પર પ્રશાંત કિશોરનો જવાબ, કહ્યું- આખી વાતચીત સાર્વજનિક કરો
તાજેતરમાં જ ભાજપ આઈટી સેલના પ્રમુખ અમિત માલવિયએ એક ઓડિયો પોસ્ટ કર્યો હતો જેમાં પ્રશાંત કિશોર કહી રહ્યા છે કે TMC ના સર્વેમાં પણ ભાજપ જીતે છે. આ બાબતે કિશોરે તેની પ્રતિક્રિયા આપી છે.
ભાજપના આઇટી સેલના પ્રમુખ અમિત માલવીયના (BJP Leader Amit Malviya) દાવા અંગે ચૂંટણી વ્યૂહરચનાકાર પ્રશાંત કિશોરે પણ પ્રતિક્રિયા આપી છે. માલવીયાએ દાવો કર્યો છે કે પ્રશાંત કિશોરે એક ઓનલાઈન ચેટમાં સ્વીકાર્યું હતું કે, ભાજપના વિજયના વલણો પણ ટીએમસીના આંતરિક સર્વે (BJP winning in TMC’S Internal Survey) માં ઉભરી આવ્યા છે. આ દાવા પર પ્રશાંત કિશોરે કહ્યું છે કે ભાજપ વાતચીતના એક ભાગને જાહેર કરી રહ્યું છે, હું તેમને અપીલ કરું છું કે આખી વાતચીતને જાહેર કરવામાં આવે.
પ્રશાંત કિશોરે કહ્યું- મને એ જાણીને ખૂબ આનંદ થાય છે કે ભાજપ મારા ક્લબહાઉસની એક વાતચીતને તેના નેતાઓના દાવા કરતા વધારે ગંભીરતાથી લઈ રહી છે. હું ઈચ્છું છું કે તેઓ વાર્તાલાપના એક જ ભાગનો ઉપયોગ ન કરે, પરંતુ આખી વાતચીતને સાર્વજનિક કરે, સત્ય તેની રીતે જ બહાર આવશે.
તમને જણાવી દઈએ કે અમિત માલવીયાએ દાવો કર્યો છે કે પ્રશાંત કિશોરને ખબર નહોતી કે આ ક્લબહાઉસ વાતચીત સાર્વજનિક છે, તેથી જ તેમણે ટીએમસીના સર્વેથી સંબંધિત આ વાત સ્વીકારી. આ વાતચીતમાં પ્રશાંત કિશોર કથિતપણે સ્વીકારે છે કે, ડાબેરી પક્ષો, કોંગ્રેસ અને ટીએમસીએ પરિસ્થિતિ અનુસાર છેલ્લા 20 વર્ષમાં મુસ્લિમ મતોનું તૃષ્ટિકરણ કર્યું છે.
Glad BJP's taking my clubhouse chat more seriously than words of its leaders. On selective use of part of conversation, urge them to release full conversation: Prashant Kishor to ANI on leaked audio where he's saying "Modi, Mamata equally popular" among Bengal poll-related things pic.twitter.com/8LTUv6gRjX
— ANI (@ANI) April 10, 2021
હારી રહી છે ટીએમસી
દાવા પ્રમાણે, ટીએમસીના વ્યૂહરચનાકાર પ્રશાંત કિશોરે આ વાતચીતમાં સ્વીકાર્યું છે કે પીએમ મોદી બંગાળમાં ખૂબ જ લોકપ્રિય છે અને તેઓ અહીં જ નહીં દેશભરમાં પણ લોકોની પ્રથમ પસંદગી છે. તેમણે એમ પણ સ્વીકાર્યું છે કે ટીએમસી સામે એન્ટી ઇન્કમ્બન્સી છે અને એસસી મતદારો ભાજપ માટે ખૂબ મહત્વના સાબિત થશે. પ્રશાંત કિશોરે પણ સ્વીકાર્યું છે કે ટીએમસીના આંતરિક સર્વેમાં ભાજપ આગળ આવી છે. આ ઓડિયોમાં તેઓ એમ કહેતા પણ સાંભળવામાં આવે છે કે બંગાળમાં મમતા અને મોદી સમાન લોકપ્રિય છે.
Another candid admission by Mamata Banerjee’s election strategist – all that the Left, Congress and TMC ecosystem have done in the last 20 years is Muslim appeasement.
Implication? It has resulted to resentment on ground. The speakers had not realised that the chat was public! pic.twitter.com/2kyLsQXYyi
— Amit Malviya (@amitmalviya) April 10, 2021
સંબિત પાત્રાએ પણ નિશાન સાધ્યું હતું
પ્રશાંત કિશોરનો આ ઓડિયો સંબિત પાત્રા દ્વારા પણ ટ્વીટ કરવામાં આવ્યો છે અને લખ્યું છે કે હવે બધાએ એમ માનવાનું શરૂ કરી દીધું છે કે મોદી સૌથી લોકપ્રિય નેતા છે. આ ઓડિયોમાં પ્રશાંત કિશોરને પૂછતા પણ સાંભળી શકાય છે કે શું આ ચેટ સાર્વજનિક છે? એવું માનવામાં આવે છે કે તે જાહેર ચેટ જતા હોવાનું જાણતા નહોતા.
આ પણ વાંચો: અમિત માલવીયનો દાવો, TMC ના વ્યૂહરચનાકાર પ્રશાંત કિશોરે માન્યું કે TMCના સર્વેમાં પણ ભાજપ જીતે છે