West Bengal Election 2021: પૂર્વ ક્રિકેટર અશોક ડિંડા પર થયો હુમલો, હાલમાં જ જોડાયા છે ભાજપમાં
પશ્ચિમ બંગાળમાં વિધાનસભા ચૂંટણી (West Bengal Election 2021) પહેલા રાજનેતાઓ પર હુમલાનો સિલસિલો અટકી રહ્યો નથી. આજે પૂર્વ ક્રિકેટર અને તાજેત્તરમાં જ ભારતીય જનતા પાર્ટીમાં જોડાયેલા અશોક ડિંડા (Ashok Dinda) પર હુમલો થયો છે.
પશ્ચિમ બંગાળમાં વિધાનસભા ચૂંટણી (West Bengal Election 2021) પહેલા રાજનેતાઓ પર હુમલાનો સિલસિલો અટકી રહ્યો નથી. આજે પૂર્વ ક્રિકેટર અને તાજેત્તરમાં જ ભારતીય જનતા પાર્ટીમાં જોડાયેલા અશોક ડિંડા (Ashok Dinda) પર હુમલો થયો છે. જાણકારી મુજબ ડિંડા પર રોડ શો દરમિયાન હુમલો થયો.
અશોક ડિંડા પશ્ચિમ બંગાળ વિધાનસભા ચૂંટણીમાં ભારતીય જનતા પાર્ટીના ઉમેદવાર પણ છે. તે મોયાથી ભાજપની ટિકિટ પર ચૂંટણી લડી રહ્યા છે. તે આ વિસ્તારમાં પ્રચાર કરવા માટે આજે નિકળ્યા હતા, ત્યારે તેમની પર હુમલો થયો. અશોક ડિંડાએ જાતે ટ્વીટ કરી આ હુમલાની જાણકારી આપી છે. તેમને આ હુમલા માટે તૃણમૂલ કોંગ્રેસને જવાબદાર ઠેરવી છે.
আজ বিকেল 4 টের সময় ময়না BDO অফিস এর কাছে আমার উপর হামলা করে তৃণমূল এর মিছিলের লোকজন এবং এখনও পর্যন্ত তৃণমূল এর লোকজন BDO অফিস ঘেরাও করে রেখেছে। pic.twitter.com/xc0kLDXxg1
— Ashoke Dinda (@dindaashoke) March 30, 2021
અશોક ડિંડાએ ટ્વીટ કરી કહ્યું કે તૃણમૂલ કોંગ્રેસના કાર્યકર્તાઓએ તેમના કાફલા પર હુમલો કર્યો છે. ડિંડાએ જણાવ્યું કે TMC કાર્યકર્તાઓએ મોયાના BDOની પાસે તેમને ઘેરી લીધા અને હુમલો કર્યો. તેમને જણાવ્યું કે આ હુમલો સાંજે 4 વાગ્યાની આસપાસ કરવામાં આવ્યો.
પશ્ચિમ બંગાળમાં વિધાનસભા ચૂંટણી થઈ રહી છે. 8 તબક્કામાં યોજાનારી આ ચૂંટણીના પ્રથમ તબક્કાનું મતદાન 27 માર્ચે થઈ ચૂક્યુ છે. આગામી ચરણનું મતદાન 1 એપ્રિલે થશે. ત્યારે પશ્ચિમ બંગાળ વિધાનસભા ચૂંટણીના પરિણામ 2 મેના રોજ આવશે. ડિંડા જે મોયા સીટથી ચૂંટણી મેદાનમાં ઉતર્યા છે, ત્યાં બીજા ચરણનું મતદાન 1 એપ્રિલે થશે.
આ પણ વાંચો: મહારાષ્ટ્રમાં કોરોનાનો મહા વિસ્ફોટ, માર્ચ મહિનામાં લાખોમાં પહોંચ્યો આંકડો, આટલા થયા મોત
Published On - 7:03 pm, Tue, 30 March 21