મોરબી બેઠક પર રસપ્રદ બની રહેશે ભાજપ અને કોંગ્રેસ વચ્ચેનો જંગ, પાટીદાર ફેક્ટર વચ્ચે ગુમાવેલી બેઠક કબજે કરવા બંને પક્ષો વચ્ચે હરીફાઈ

મોરબી બેઠક પર પણ પેટાચૂંટણી માટે મતદાન શરૂ થઈ ગયું છે. મોરબી બેઠક પર કુલ 12 ઉમેદવારો મેદાને છે અને અહીં પણ ભાજપના બ્રિજેશ મેરજા અને કોંગ્રેસના જયંતિ પટેલ વચ્ચે સીધો જંગ છે. 1995થી 2017 સુધી સતત 6 વાર આ બેઠક પર ભાજપની જીત થઇ છે. 1995 સુધી કાન્તિ અમૃતિયા ભાજપનો ચહેરો હતા અને સૌથી વધુ કડવા પાટીદાર મતદાર ધરાવતી બેઠક પર 2017માં પાટીદાર આંદોલનને કારણે ભાજપને નુકસાન થયું હતું અને પ્રથમવાર ચૂંટણી લડતા કોંગ્રેસના બ્રિજેશ મેરજા જીત્યા હતા કે જેમણે
સતત 30 વર્ષથી ધારાસભ્ય રહેલા કાંતિ અમૃતિયાને હરાવ્યા હતા. મોરબી બેઠક એક સમયે ભાજપનો ગઢ હતું પણ તેને પાટીદાર અનામત ફેક્ટર નડ્યું હતું.