કરજણમાં લોકશાહી અને ચૂંટણીપંચનાં જાહેરમાં ધજાગરા, BJPનું માસ્ક પહેરીને મત આપવા પૈસા વહેંચતા યુવકનો વિડિયો વાયરલ, ચૂંટણી પંચે આપ્યા તપાસનાં આદેશ

વડોદરાનાં કરજણમાં લોકશાહીના પર્વના ધજાગરા ઉડાવતી ઘટના સામે આવી છે કે જેમાં ઇટોલા ગામમાં ખુલ્લેઆમ પૈસાથી લોકશાહીને ખરીદતા ભાજપના કથિત કાર્યકરોનો વિડિયો વાયરલ થયો છે. કોંગ્રેસ દ્વારા સોશ્યલ મિડિયા પર વિડિયો મુકાતા વાયરલ વીડિયો અંગે ચૂંટણી પંચે તપાસના આદેશ આપ્યા છે. વાયરલ વિડિયો પ્રમાણે BJPનું માસ્ક પહેરીને એક શખ્સ પૈસા વહેંચી રહ્યો હતો અને કમળનાં બટનને દબાવવા માટેની વાત કરી રહ્યો છે. તપાસ બાદ સામે આવ્યું છે કે વાયરલ વીડિયોમાં ભાજપને મત આપવા માટે વાત કરી રહેલા શખ્સનું નામ રાજેશ હોવાનું બહાર આવ્યું છે. જો કે TV9 ગુજરાતી આ વીડિયોની પુષ્ટિ નથી કરતું.