કલોલના ધારાસભ્ય બળદેવજી ઠાકોરે ઉડાવ્યાં સોશિયલ ડિસ્ટન્સના ધજાગરા? જુઓ વાયરલ વીડિયો

કોરોના વાયરસને લઈને ખૂબ સાવચેતી જરૂરી છે. સરકારથી લઈને અનેક સંગઠનો જાહેરાતો કરે છે કે સોશિયલ ડિસ્ટન્સનું પાલન કરો. ત્યારે પ્રજાના જ એક પ્રતિનીધીનો વિડિયો વાયરલ થયો છે. જે સોશિયલ ડિસ્ટન્સના લીરેલીરા ઉડાવે છે. આ વિડિયો કોંગ્રેસના ધારાસભ્યનો છે. કલોલના ધારાસભ્ય બળદેવ ઠાકોર છે તેમનો વીડિયો વાયરલ થયો છે. જેમાં તેઓ માસ્ક વગર ડાન્સ કરતા દેખાઈ રહ્યાં છે. સાથે જ આ વીડિયોમાં કોઈ સોશિયલ ડિસ્ટન્સ હોય તેવું પણ જણાતું નથી. માસ્ક વગર ડાન્સ કરતા ધારાસભ્યનો વીડિયો વાયરલ થતાં લોકોમાં પણ આ વીડિયોએ ખૂબ ચર્ચા જગાવી છે. એક તરફ સરકાર ખૂબ પ્રયત્ન કરી રહી છે કે લોકોમાં જાગૃતી આવે અને કોરોના ફેલાતો અટકાવી શકાય. ત્યારે ધારાસભ્યો જ આવું કેમ કરે છે તેવી લોકમુખે ચર્ચા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો