ગુજરાત વિધાનસભાની 8 બેઠકો પર પેટાચૂંટણીને લઇને ભાજપનો સર્વે, ચાર બેઠકો પર થઇ શકે છે ભાજપની હાર:સૂત્ર

સૂત્રો દ્વારા મળતી માહિતી પ્રમાણે ગુજરાત વિધાનસભાની 8 બેઠકો પર પેટાચૂંટણીને લઇને ભાજપે સર્વે હાથ ધર્યો છે. ભાજપના આ સર્વેમાં કેટલાક ચોંકાવનારા ખુલાસા થયા છે. સર્વેમાં જાણવા મળ્યું છેકે 8 બેઠકોમાંથી 4 બેઠકો પર ભાજપને હારનો સામનો કરવો પડી શકે છે. મોરબી, કરજણ, ધારી અને લિંબડી આ બેઠકો પર ભાજપની એન્ટી ઇન્કમ્બન્સી અને સ્થાનિક મુદ્દાઓને કારણે હાર થઇ શકે છે. આ સર્વેને કારણે પ્રદેશ ભાજપમાં ચિંતન શરૂ થયું છે. અને, આગામી સપ્તાહે આ ચાર બેઠકોની ભાજપના સિનિયર નેતાઓ મુલાકાત કરશે. આ તમામ બેઠકો પર ફરી 15 દિવસ બાદ સર્વે કરાશે.