ગુજરાતની 8 બેઠકોની પેટાચૂંટણી માટે પ્રચાર પડઘમ શાંત થઈ ગયા છે અને આવતીકાલે મતદારો 8 બેઠકો પર પરિવર્તન આવશે કે કેમ તે નક્કી કરશે. આ 8 બેઠકો પર ભાજપ-કોંગ્રેસ મુખ્ય પક્ષો સાથે પેટાચૂંટણીમાં કુલ 80 ઉમેદવારો મેદાને છે. પેટાચૂંટણીના કુલ 80 ઉમેદવારમાંથી માત્ર 4 મહિલા ઉમેદવારો છે. આ 80 ઉમેદવારોમાંથી 14 એવા ઉમેદવારો છે, જે ગુનાહિત ઈતિહાસ ધરાવે છે અને 7 સામે તો ગંભીર ગુના દાખલ થયેલા છે. ભાજપના 8માંથી 3, કોંગ્રેસના 8 પૈકી 2, બીટીપીના 2માંથી 1, જ્યારે 8 અપક્ષ ઉમેદવાર ગુનાહિત ઇતિહાસ ધરાવે છે. એમાં બીટીપીનો 1, ભાજપના 2 અને 4 અપક્ષ ઉમેદવારો સામે ગંભીર ગુના દાખલ થયેલા છે. 2 ઉમેદવારની સામે ખૂનની કોશિશ જેવો ગંભીર ગુનો દાખલ થયેલો છે.. અબડાસા અને કરજણ બેઠક પર 3થી વધુ ઉમેદવારો ગુનાહિત ઇતિહાસ ધરાવે છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો