દિલ્હી વિધાનસભા ચૂંટણી: મતદાનની સાથે સાથે આ મામલે CM કેજરીવાલ અને સ્મૃતિ ઈરાની ટ્વીટર પર આમને-સામને

દિલ્હી ચૂંટણીમાં મતદાન દરમિયાન મુખ્યપ્રધાન અરવિંદ કેજરીવાલ અને કેન્દ્રીય મંત્રી સ્મૃતિ ઈરાનીની વચ્ચે વાર-પલટવાર ચાલી રહ્યો છે. અરવિંદ કેજરીવાલએ લોકોને મત આપવા માટે અપીલ કરી. ખાસકરીને મહિલાઓને મત આપવા માટેની અપીલ કરી. કેજરીવાલની આ અપીલ પર કેન્દ્રીય મંત્રી સ્મૃતિ ઈરાની ભડકી ગયા અને કહ્યું કે કેજરીવાલ મહિલાઓને એટલી પણ સક્ષમ નથી સમજતાં કે તે પોતાના મનથી મત આપી શકે?

મુખ્યપ્રધાન કેજરીવાલે ટ્વીટ કર્યુ કે મત આપવા માટે જરૂર જાવો. તમામ મહિલાઓને ખાસ અપીલ છે કે જેવી રીતે તમે ઘરની જવાબાદારી ઉઠાવો છે, તે રીતે દેશ અને દિલ્હીની જવાબદારી પણ તમારા ખભા પર છે. તમે તમામ મહિલાઓ મત આપવા જરૂર જાવ અને તમારા ઘરના દરેક પુરૂષને પણ લઈ જાવો. ત્યારે પલટવાર કરતાં સ્મૃતિ ઈરાનીએ ટ્વીટ કર્યુ કે તમે શું મહિલાઓને એટલી સક્ષમ નથી સમજતાં કે તે સ્વયં નિર્ધારિત કરી શકે કે કોને મત આપવો છે.

ત્યારબાદ મુખ્યપ્રધાન કેજરીવાલે ફરી જવાબ આપ્યો અને ટ્વીટ કર્યુ કે સ્મૃતિજી દિલ્હીની મહિલાઓએ કોને મત આપવો જોઈએ એ નક્કી કરી લીધું છે અને સમગ્ર દિલ્હીમાં આ વખતે તેમના પરિવારના મત મહિલાઓએ જ નક્કી કર્યા છે. આખરે ઘર તો એમને જ ચલાવવાનું હોય છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]