દિલ્હી વિધાનસભા ચૂંટણીને લઈ HM અમિત શાહના નિવાસસ્થાને ભાજપની મોડી રાત્રે 3 વાગ્યા સુધી ચાલી બેઠક, ઉમેદવારોના નામને લઈ થઈ ચર્ચા

દિલ્હીમાં વિધાનસભા ચૂંટણીની તારીખની જાહેરાત થઈ ચૂકી છે. તમામ રાજકીય પાર્ટીઓએ ઉમેદવારના નામ પર ચર્ચા શરૂ કરી દીધી છે. રવિવારે રાત્રે ગૃહપ્રધાન અને ભાજપના અધ્યક્ષ અમિત શાહના નિવાસસ્થાને ભાજપ કોર ગ્રુપની બેઠક મળી હતી. આ બેઠકમાં દિલ્હી વિધાનસભા ચૂંટણીમાં ઉમેદવારોના નામ પર ચર્ચા થઈ છે. 7 કલાક ચાલેલી આ બેઠક મોડી રાત્રે લગભગ 3 વાગ્યે પુરી થઈ હતી.

આ બેઠકમાં દિલ્હીની 70 વિધાનસભા સીટમાંથી લગભગ 44-45 સીટો પર ઉમેદવારના નામ પર ચર્ચા થઈ છે. ત્યારે બાકી નામો પર ચર્ચા માટે સોમવારે પણ ભાજપ કોર કમેટીની બેઠક બીજી વખત થઈ શકે છે. બેઠકમાં અમિત શાહ સિવાય ભાજપના કાર્યકારી અધ્યક્ષ જે.પી.નડ્ડા, બી.એલ.સંતોષ, મનોજ તિવારી, પ્રકાશ જાવડેકર, અનિલ જેન, શ્યાબ જાજૂ સહિત ઘણા મોટા નેતાઓએ ભાગ લીધો હતો.

કોર કમેટીમાં જે ઉમેદવારોના નામ પર સહમતિ મળશે, તેમના નામ ભાજપ કેન્દ્રીય ચૂંટણી સમિતિને મોકલશે. માનવામાં આવી રહ્યું છે કે જો સોમવારે યોજાનારી બેઠકમાં તમામ નામ પર સહમતિ બનશે તો સાંજે ભાજપ મુખ્યાલય પર કેન્દ્રીય ચૂંટણી સમિતિની બેઠક પણ થઈ શકે છે. જો એવું નથી થતું તો પછી આ બેઠક 14થી 15 જાન્યુઆરીની વચ્ચે થવાની સંભાવના છે.

જાણકારી મુજબ આ વખતે ભાજપ દિલ્હીમાં ઘણા નવા ચેહરાઓને ઉતારી શકે છે. 8 ફેબ્રુઆરીએ વિધાનસભા ચૂંટણી માટે મતદાન યોજાવવાનું છે અને 11 ફેબ્રુઆરીએ મતગણતરી થશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]