અલ્પેશ ઠાકોરે પોતાને કોગ્રેસમાં હોવાનો દાવો કર્યો છે પણ રાજનિતીક પંડીતો માને છે કે અલ્પેશ ઠાકોર થોડા સમયમાં ભાજપમાં સત્તાવાર રીતે જોડાશે. જેના માટે યોગ્ય રણનીતિ ઘડાઈ રહી છે. જ્યારે ભાજપના સુત્રો જરુરથી કહી રહ્યાં છે રાજ્યસભા ઈલેક્શન પછી અલ્પેશ ઠાકોરને બીજેપીમાં જોડાવવા માટે કાર્યક્રમ ગોઠવાઇ શકે છે. જેના માટે માત્ર કેન્દ્રીય પ્રધાન અમિત શાહની ગુજરાત મુલાકાત અને તેમની લીલી ઝંડીની રાહ જોવાઇ રહી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
કોંગ્રેસના બાગી નેતા હવે અલ્પેશ ઠાકોરનું શું કરવું તેને લઈને ભાજપે રણનીતિ બનાવી લીધી છે. જેના માટે અલ્પેશ ઠાકોરે પ્રેસ કરીને જલ્દી જ ઢોલ નગારા વાગશે તેવા સંકેતો આપી દીધા છે, પણ ક્યારે તેને લઇને સ્પષ્ટતા કરી નથી. વરિષ્ઠ પત્રકાર કૃષ્ણકાંત ઉનડકટ માને છે કે અલ્પેશ ઠાકોર અવઢવમાં છે. તે નક્કી કરી શકતા નથી કે તેમને શુ કરવું જોઈએ. હવે ભાજપને પણ તેમની એટલી જરરુ નથી એ વાત ત્યારે દેખાઇ જ્યારે રાજ્ય સભાના ઉમેદવાર તરીકે જુગલજી ઠાકોરની પસંદગી કરાઈ. હવે અલ્પેશ અને તેના સહયોગીઓને અપેક્ષિત લાભો નહી મળી શકે અને તેઓ પોતાની વધારે રાજનીતિક મનસાઓ પણ ભાજપની સામે નહીં રાખી શકે.
આ પણ વાંચો: એક એવી માગણી જેના લીધે ભાજપ-કોંગ્રેસના પૂર્વ ધારાસભ્યો આવ્યા એકમંચ પર, રુપાણી સરકારની સામે કર્યા પ્રહારો
ભાજપના સુત્રોનું માનીએ તો આવતા અઠવાડીયામાં કેન્દ્રીય પ્રધાન અમિત શાહ બે દિવસ માટે ગુજરાત આવી રહ્યાં છે. તે દરમિયાન અલ્પેશ ઠાકોરને લઇને પાર્ટી પોતાનુ સ્ટેન્ડ લઇ લેશે. જેના માટે સીએમ વિજય રુપાણીને જવાબદારી સોપાઈ છે. રાજ્યસભા ઈલેક્શન દરમિયાન ક્રોસ વોટીંગ કરાવીને પણ કોંગ્રેસમાં ડખા હોવાનું ભાજપ સાબિત કરવા માટે પણ અલ્પેશ ઠાકોરનો ઉપયોગ કરી શકે છે. હવે વિધાનસભા સત્ર પછી જ ભાજપ અલ્પેશ ઠાકોરને પક્ષમાં જગ્યા આપશે.
પણ આ વખતે અલ્પેશને અપેક્ષા મુજબની વસ્તુઓ હવે ભાજપ આપે તેવી સંભાવના નહીવત છે. ત્યારે રાજનીતિક નિષ્ણાંત દિલિપ ગોહિલનું માનીએ તો અલ્પેશ ઠાકોર ભલે કોંગ્રેસમા હોવાની વાત કરે છે પણ જે રીતે તે વડા પ્રધાન નરેન્દ્ર મોદીના વખાણ કરી રહ્યા છે જે બતાવે છે કે તે આગામી દિવસોમાં ભાજપમાં જશે પણ તેની શરતો શું હશે તેનો નિર્ણય અમિત શાહ જ લેશે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
હાલ તો અલ્પેશ ઠાકોરને લઇને રાજનીતિ ચર્ચા ચાલી રહી છે પણ રાજકીય નિષ્ણાંતોને લાગે છે કે ભાજપ અલ્પેશ ઠાકોરને કોંગ્રેસની સામે જ હથિયારની જેમ ઉપયોગ કરવા માંગે છે. જેમાં રાજ્યસભામાં ક્રોસ વોટીંગ કરવાથી માંડી વિધાનસભા દરમિયાન કોંગ્રેસને બેક ફુટ ઉપર રાખવા જેવી બાબતોનો સમાવેશ થાય છે. ત્યારે હવે ભાજપે પોતાનો દાવ ચાલી દીધો છે. હવે દાવ રમવાનો વારો કોંગ્રેસનો છે તે કેવી રીતે રમી જાણે છે તે જોવું રહ્યું.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=” Watch more interesting videos on TV9 Gujarati YouTube channel”]