જાણો અરૂણ જેટલીના પરિવાર વિશે, પિતાની જેમ વકીલ છે બંને સંતાન

પૂર્વ નાણાપ્રધાન અને ભાજપના વરિષ્ઠ નેતા અરૂણ જેટલી લાંબા સમયથી બીમાર હતા. આજે બપોરે 12.07 વાગ્યે તેમનું નિધન થયુ છે. એક પ્રખર નેતા અને કુશળ રણનીતિકાર તરીકે અરૂણ જેટલીને હંમેશા યાદ કરવામાં આવશે. તેમને ભારતની રાજનીતિમાં ઘણી મોટી જવાબદારીઓ લીધી હતી.

અરૂણ જેટલીનો જન્મ 28 ડિસેમ્બર 1952ના રોજ દિલ્હીમાં થયો હતો. તેમના પિતાનું નામ મહારાજ કિશન જેટલી હતું, જે એક વકીલ હતા અને જ્યારે તેમના માતાનું નામ રતન પ્રભા જેટલી હતું. અરૂણ જેટલીએ પ્રાથમિક શિક્ષણ દિલ્હીની સેન્ટ ઝેવિયર્સ સ્કુલમાં મેળવ્યું હતું. ત્યારબાદ દિલ્હી યુનિવર્સિટીના શ્રીરામ કોલેજ ઓફ કોમર્સમાંથી તેઓ સ્નાતક થયા અને દિલ્હી યુનિવર્સિટીમાંથી જ કાયદાનો અભ્યાસ કરી ડિગ્રી મેળવી હતી.

અરૂણ જેટલીની પત્નીનું નામ સંગીતા છે. તેમના લગ્ન વર્ષ 1982માં થયા હતા. તેમના 2 બાળકો છે. તેમના પુત્રનું નામ રોહન છે અને પુત્રીનું નામ સોનાલી છે. તેમના બંને બાળકો પિતાની જેમ વકીલ છે. આ ત્રીજી પેઢી છે જેમને વકીલાતમાં પોતાનું કરિયર બનાવ્યું છે.

અરૂણ જેટલીની પુત્રી સોનાલી 2015માં તેમના લગ્નને લઈને ચર્ચામાં આવી હતી. તેમના લગ્ન બિઝનેસમેન અને લૉયર જયેશ બખ્શીની સાથે થયા છે. લગ્નમાં શાહરૂખ ખાન અને ફિલ્મ જગતના ઘણા જાણીતા સ્ટાર સામેલ થયા હતા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

ત્યારે તેમનો પુત્ર રોહન પણ પિતાની જેમ વકીલ છે. પ્રાથમિક શિક્ષણ તેમને દિલ્હી પબ્લિક સ્કૂલ આર.કેપુરમમાંથી કર્યુ છે. ત્યારબાદ એમિટી લૉ સ્કૂલમાંથી કાયદાનો અભ્યાસ કરી ડિગ્રી મેળવી છે. ન્યૂયોર્કની કાર્નેલ યુનિવર્સિટીમાંથી લૉની માસ્ટર ડિગ્રી મેળવી. ત્યારબાદ અભ્યાસ પુરો કરીને તે 2014માં ભારત પાછા આવ્યા. તે પછી બાર કાઉન્સિલ ઓફ ઈન્ડિયાની મેમ્બરશિપ લીધી. વર્ષ 2014માં તેમને વકીલ તરીકે સુપ્રીમ કોર્ટમાં તેમની પ્રેક્ટિસ શરૂ કરી.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]