Bengal માં પોસ્ટર યુદ્ધ, ભાજપએ મહિલા નેતાઓના પોસ્ટર જાહેર કરીને કહ્યું, ફુઈ નહીં દીકરી જોઈએ

ચૂંટણીની તારીખ જાહેર થયા બાદ બંગાળમાં (Bengal ) લડાઈ ફુઈ અને દીકરી પર આવી ગઈ છે. બંગાળ ભાજપે મહિલા નેતાઓના પોસ્ટર જાહેર કરીને કહ્યું છે કે, બંગાળને ફુઈ નથી દીકરી જોઈએ. તો ટીએમસીએ જવાબમાં કહ્યું હતું કે, બંગાળને તેની દિકરી પસંદ છે.

બીજેપીએ પોસ્ટરમાં બંગાળની નવ પાર્ટી મહિલા નેતાઓના ચહેરા મુક્યા છે. જેમાં રૂપા ગાંગુલી, દેબોશ્રી ચૌધરી, લોકેટ ચેટર્જી, ભારતી ઘોષ, અગ્નિમિત્રા પોલનો સમાવેશ થાય છે. ભાજપએ પોસ્ટરમાં લખ્યું હતું કે, ‘બંગાળને એક દીકરી જોઈએ છે, પિશી’ નહીં. ‘પિશી’ એક બંગાળી શબ્દ છે જેનો ઉપયોગ પિતૃપક્ષ માટે થાય છે.

ટીએમસીએ મમતા બેનર્જીને ‘બંગાળની પુત્રી’ તરીકે દેખાડયા છે. તાજેતરમાં ટીએમસીએ મમતાને ‘બંગાળની પુત્રી’ બતાવતાં મુખ્ય અભિયાન ‘બંગાળ નિજેર મેયેક ચૈયે’ શરૂ કર્યું હતું.

ટીએમસીએ મમતાની તસવીર શેર કરતાં લખ્યું હતું કે, “તેણીનું જીવન ન્યાય માટેનું લડતું રહ્યું છે. તેમની માનવતા બંગાળના દરેક વ્યક્તિના હૃદયને સ્પર્શી ગઈ છે. તેમની સાદગી અને મિત્રતાએ તેને ઘરની પુત્રી બનાવી છે. તેમના નેતૃત્વથી બંગાળ પ્રગતિ પર આગળ વધી રહ્યું છે. #બંગાળ નિજેર મેયેક ચૈયે.

નોંધનીય છે કે, પશ્ચિમ બંગાળમાં 8 તબક્કામાં ચૂંટણીનું આયોજન કરવામાં આવ્યું છે. જે 27 માર્ચ શરૂ થઈને 29 એપ્રિલ સુધી મતદાન ચાલશે. જેનું રિઝલ્ટ 2 મેના રોજ આવશે.

જણાવી દઈએ કે, ગત વિધાનસભાની ચૂંટણીમાં 7 તબક્કામાં મતદાન સંપન્ન થયું હતું. પશ્ચિમ બંગાળ વિધાનસભાનો કાર્યકાળ 30 મે ના રોજ પૂરો થાય છે. પશ્ચિમ બંગાળ છેલ્લા 10 વર્ષથી સતામાં છે. ભાજપ મુખ્યમંત્રી મમતા બેનર્જીને સતા પરથી હટાવવા માટે એડીચોટીનું જોર લગાડી રહ્યા છે. ગત વિધાનસભામાં તૂર્ણમૂલ કોંગ્રેસને 211 સીટ મળી હતી. જયારે ભાજપને ત્રણ સીટ પરથી જ સંતોષ માનવો પડયો હતો. કોંગ્રેસને 44 સીટ અને માકપાને 26 સીટ મળી હતી.