Virat Kohli Home Inside Photos : સુકૂન, લક્ઝરી અને પ્રકૃતિ… વિરાટ કોહલીનું અલિબાગ હોલિડે હોમ છે એકદમ શાનદાર
ક્રિકેટના મેદાનની દોડધામથી દૂર, વિરાટ કોહલીનું અલિબાગ સ્થિત આ હોલિડે હોમ છે. મોટો કાચ, નેચરલ લાઇટ અને લીલોતરીથી ઘેરાયેલું આ આલીશાન ઘર વિરાટ કોહલી અને તેના પરિવાર માટે રિલેક્સ થવાની અને વિરામ લેવાની પ્રિય જગ્યા છે.
ઊંચી છત, મોટી કાચની બારીઓ અને સફેદ રંગની થીમ સાથે તૈયાર કરવામાં આવેલું આ લિવિંગ એરિયા ઘરમાં પૂરતો સૂર્યપ્રકાશ અને સકારાત્મક ઊર્જાનો સંચાર કરે છે. માર્બલ ફિનિશિંગ ધરાવતી સુંદર સીડીઓ, હળવા રંગના સોફા અને આકર્ષક લાઇટિંગ આ આલીશાન વિલાને રોયલ લુક આપે છે. ઘરની અંદર તેમજ બહાર રાખવામાં આવેલા લીલાછમ છોડ અને કાચની બારીઓમાંથી દેખાતી ગ્રીનરી મનને શાંતિ આપે છે. (Image Source | Architectural Digest India )
વિરાટ કોહલીના આ આલીશાન હોલિડે હોમનું બેડરૂમ મિનિમલિસ્ટિક અને અત્યંત શાંત ડિઝાઇનનું ઉત્કૃષ્ટ ઉદાહરણ છે. સફેદ રંગના આરામદાયક બેડ સાથે ઓફ-વાઇટ દીવાલો અને સોફ્ટ એબ્સ્ટ્રેક્ટ આર્ટવર્ક રૂમને એક સુંદર તથા ક્લાસી લુક આપે છે. લાકડાનું ફર્નિચર, નેચરલ લાઇટિંગ અને સુઘડ વાતાવરણ આ સ્પેસને આરામ કરવા માટેનું એક પરફેક્ટ સ્થળ બનાવે છે. (Image Source | Architectural Digest India )
સ્વિમિંગ પૂલ, પૂલસાઇડ લાઉન્જ ચેર અને આસપાસની લીલોતરી આ સ્પેસને રિસોર્ટ જેવો લક્ઝુરિયસ લુક આપે છે. વિશાળ કાચની બારીઓ, ખુલ્લો વરંડો અને સૂર્યપ્રકાશથી ઝળહળતું આ વાતાવરણ શાંતિ અને આરામદાયક પળો વિતાવવા માટે એક ઉત્કૃષ્ટ સ્થળ બનાવે છે. (Image Source | Architectural Digest India )
વિરાટ કોહલીના આ આલીશાન હોલિડે હોમનું આઉટડોર ડાઇનિંગ એરિયા પ્રકૃતિના ખોળે ભોજન માણવા માટેનું ઉત્કૃષ્ટ સ્થળ છે. આસપાસ પથરાયેલી ગ્રીનરી, રંગબેરંગી ફૂલો વચ્ચે ગોઠવાયેલું આ ડાઇનિંગ ટેબલ ખૂબ જ નયનરમ્ય દેખાય છે. તાજા ફળો, ફ્લાવર વાઝ અને સુંદર ક્રોકરીથી સજ્જ આ ખુલ્લું વાતાવરણ સુકૂનભરી પળો વિતાવવા માટે યોગ્ય છે. (Image Source | Architectural Digest India )
વિરાટ કોહલીના આ આલીશાન હોલિડે હોમનું લિવિંગ રૂમ આધુનિક લક્ઝરી અને પ્રકૃતિના સુંદર સમન્વયનું પ્રતીક છે. ઊંચી છત, પારદર્શક સફેદ પડદામાંથી છણાતો કુદરતી પ્રકાશ અને આરામદાયક સોફા આ સ્પેસને અત્યંત નયનરમ્ય અને શાંત બનાવે છે. રૂમમાં રાખવામાં આવેલા લીલાછમ છોડ, વુડન ફિનિશિંગ અને મોટું ડાઇનિંગ ટેબલ આ હોમ ઇન્ટિરિયરને રોયલ લુક આપે છે. (Image Source | Architectural Digest India )
વિરાટ કોહલીના આ આલીશાન હોલિડે હોમનું ડાઇનિંગ એરિયા આધુનિક ડિઝાઇન અને ક્લાસિક વુડન વર્કનો અદ્ભુત નમૂનો છે. પાછળની દીવાલ પરનું આકર્ષક માર્બલ ફિનિશિંગ, પીળા સૂર્યમુખીના ફૂલો અને લીલાછમ છોડ આ સ્પેસને કુદરતી તાજગી આપે છે. લાકડા અને વાંસની ડિઝાઇનવાળી ખુરશીઓ તેમજ ટેબલ પર સજાવેલી મીણબત્તીઓ આ વાતાવરણને અત્યંત રોયલ લુક આપે છે. (Image Source | Architectural Digest India )
વિરાટ કોહલી પોતાના આ આલીશાન હોલિડે હોમમાં પાલતુ શ્વાન સાથે પ્રેમભરી અને આરામદાયક ક્ષણો વિતાવતો જોવા મળે છે. સફેદ કલરના આરામદાયક સોફા, સુંદર કલરફુલ કુશન અને આસપાસના લીલાછમ છોડ પણ જોવા મળી રહ્યા છે. (Image Source | Architectural Digest India )
વિરાટ કોહલીના આ આલીશાન હોલિડે હોમમાં હાઇ-ટેક સ્માર્ટ ઓટોમેશન સિસ્ટમનો ઉપયોગ કરવામાં આવ્યો છે. ઘરના તમામ સફેદ પડદા (Curtains) ડિઝિટલાઇઝ્ડ છે અને મોબાઇલ એપ્લિકેશન દ્વારા સરળતાથી કંટ્રોલ તથા ઓટોમેટિક ઓપન-ક્લોઝ કરી શકાય છે. આ આધુનિક ફીચર ઘરને લક્ઝરી લુક આપવાની સાથે-સાથે સુવિધા અને પ્રાઇવેસીનું પરફેક્ટ કોમ્બિનેશન પૂરું પાડે છે. (Image Source | Architectural Digest India )
