History of city name : વિજય વિલાસ મહેલના નામ પાછળનો શું છે ઈતિહાસ ? જાણો આખી વાર્તા
ગુજરાતના કચ્છ જિલ્લામાં આવેલું માંડવી શહેર એક ઐતિહાસિક રજવાડી સ્મારક માટે પ્રસિદ્ધ છે, જેને વિજય વિલાસ મહેલ અથવા વિજય વિલાસ પેલેસ તરીકે ઓળખવામાં આવે છે. આ મહેલ પશ્ચિમ ભારતના પ્રખ્યાત રાજવી આર્કિટેક્ચરલ નમૂનાઓમાંનું એક છે.
વિજય વિલાસ મહેલનું બાંધકામ મુખ્યત્વે લાલ રેતીના પથ્થરથી કરવામાં આવ્યું છે, જે તેને વિશિષ્ટ આકર્ષણ આપે છે. તેની સ્થાપત્યકળા રાજપૂત શૈલીની ઝલક ધરાવે છે, જેમાં ઓરછા અને દતિયાના મહેલોની પરંપરાગત રચનાઓનો પ્રભાવ જોવા મળે છે.મહેલના મધ્ય ભાગમાં ઊંચો ગુંબજ છે, જ્યારે બાજુઓ પર બંગાળની શૈલી મુજબના નાના ગુંબજો બનાવવામાં આવ્યા છે. બારીઓમાં રંગીન કાચનું નકશીકામ છે, જ્યારે પથ્થર પર બારીક કોતરણી કરીને જાળીનાં આકારો ઉભા કરાયા છે. ખૂણાઓ પર સુંદર ગુંબજવાળા બુરજ, વિશાળ મંડપ અને શિલ્પકળાથી શોભતા અન્ય પથ્થરની રચનાઓ મહેલને વધુ ભવ્યતા આપે છે. (Credits: - Wikipedia)
વિજય વિલાસ મહેલને સુંદર ફુવારા અને પાણીની ચેનલો ધરાવતા આરસપહાણ જેવા બગીચાઓના મધ્યમાં નિર્માણ કરવામાં આવ્યા છે. મહેલની ભવ્યતા વધારતી જાળીઓ, ઝરોખા, છત્રીઓ, છજાઓ, ભીંતચિત્રો, શિલ્પકળાથી સજાવટ કરેલા પથ્થરો તેમજ બારીઓ અને દરવાજાઓ પર કાચનું રંગીન કામ જોવા મળે છે. આ અદ્ભુત કળાનું સર્જન જયપુર, રાજસ્થાન, બંગાળ અને સૌરાષ્ટ્રના સ્થાપત્યકારો તથા કચ્છના સ્થાનિક કારીગરો, મિસ્ત્રીઓ અને સુથારોના સહયોગથી કરવામાં આવ્યું હતું. મહેલની ઉપરની બાલ્કનીમાંથી આસપાસના વિસ્તારમાંનું મનોહર દૃશ્ય નિહાળવા મળે છે. બારીઓ એવી રીતે રચાયેલ છે કે અંદરથી બહાર જોતા ખુલીલી જગ્યા જેવી અનુભૂતિ થાય અને જેમાં દરિયાઈ પવન પસાર થાય છે. (Credits: - Wikipedia)
વિજય વિલાસ પેલેસ માત્ર કચ્છનો નહિ પરંતુ સમગ્ર ગુજરાતનું એક વૈભવી અને ઐતિહાસિક સ્મારક છે. અહીં અનેક પ્રસિદ્ધ બોલીવુડ ફિલ્મોનું શૂટિંગ થયું છે, જેમ કે હમ દિલ દે ચૂકે સનમ અને લગાન.પેલેસ આજના સમયમાં પ્રવાસીઓ માટે ખુલ્લો છે અને કચ્છના આકર્ષક પર્યટન સ્થળોમાંનો એક છે. (Credits: - Wikipedia)
વિજય વિલાસ પેલેસનું નામ રાજવી વિજય અને સુખસમૃદ્ધિનું પ્રતિક છે. આ મહેલ કચ્છના રાજવી ઇતિહાસ, કલા અને વૈભવનું જીવંત સાક્ષી છે અને આજે પણ તેની શાન-શૌકત પ્રવાસીઓના મનને મોહી લે છે. ( આ માહિતી વિવિધ ઐતિહાસિક તથ્યો અને સંશોધનો પર આધારિત છે. વિગતવાર માહિતી માટે, ઇતિહાસના પ્રમાણભૂત ગ્રંથો અને સંશોધનોનો અભ્યાસ કરવો ઉચિત રહેશે.) (Credits: - Wikipedia)
