Breaking News : ગુજરાતીઓ રહેજો તૈયાર, આગામી 7 દિવસ રાજ્યના અનેક જિલ્લાઓમાં ત્રાટકશે કમોસમી વરસાદ, જાણો વિગત
ગુજરાતના ઉત્તર, દક્ષિણ અને સૌરાષ્ટ્ર-કચ્છમાં ભારે પવન સાથે વરસાદના એંધાણ છે. ખેડૂતોમાં ચિંતાની લહેર છે. ગુજરાતમાં વહેલા ચોમાસાની શક્યતા છે.
દક્ષિણ ગુજરાતના ભરૂચ, નર્મદા, સુરત, તાપી, ડાંગ, નવસારી અને વલસાડ જેવા વિસ્તારોમાં પણ વરસાદ વરસવાની સંભાવના છે. આ ઉપરાંત, સૌરાષ્ટ્ર અને કચ્છના સુરેન્દ્રનગર, રાજકોટ, બોટાદ, જૂનાગઢ, અમરેલી, ભાવનગર અને ગીરસોમનાથ જિલ્લાઓમાં પણ માવઠાં સાથે વરસાદ પડી શકે છે. આવા અણધાર્યા વાતાવરણથી ખેડૂતો અને સામાન્ય જનતાએ તકેદારી રાખવી જરૂરી બની છે.
વરસાદની આ આગાહીથી ખાસ કરીને ખેડૂતો માટે ચિંતાજનક સ્થિતિ ઉભી થઈ છે, કારણ કે હાલની મોસમમાં ખેતી માટે યોગ્ય સમયે પાણીની જરૂરિયાત ન હોય ત્યારે આવી પરિસ્થિતિ નુકસાનદાયક સાબિત થઈ શકે છે.
હવામાન વિભાગના રિપોર્ટ અનુસાર, આ વર્ષે ચોમાસું દેશમાં નિર્ધારિત સમય પહેલાં જ શરૂ થયું છે. અંદમાન અને નિકોબાર ટાપુઓ પર ચોમાસાનું પહેલું પગથિયું પહેલા જ પહોંચી ગયું છે. હવામાન વિભાગે આશા વ્યક્ત કરી છે કે 27 મે સુધીમાં કેરળમાં ચોમાસું પ્રવેશ કરી જશે અને તે આધારે ગુજરાતમાં પણ ચોમાસું પહેલા આવી શકે છે.
