Turmeric Water Bath: નહાવાના પાણીમાં હળદર ઉમેરો અને જુઓ ચમત્કાર, આર્થિક સંકટ થશે દૂર
હળદરને માત્ર એક મસાલા તરીકે જ નહીં, પરંતુ એક પવિત્ર અને ગુણકારી ઔષધિ તરીકે પણ ઓળખવામાં આવે છે. તેનો ઉપયોગ રસોડાથી લઈને પૂજા-પાઠ અને આયુર્વેદિક ઉપચારો સુધી વિસ્તરેલો છે. જ્યોતિષશાસ્ત્રમાં પણ હળદરના અદભુત ગુણોનો ઉલ્લેખ છે. એવું માનવામાં આવે છે કે નહાવાના પાણીમાં ચપટી હળદર ઉમેરવાથી માત્ર શરીર જ શુદ્ધ નથી થતું, પરતું અનેક ફાયદાઓ પણ થાય છે. જાણો વિગતે.
જ્યોતિષ શાસ્ત્ર અનુસાર, હળદર ગુરુ ગ્રહ એટલે કે બૃહસ્પતિ દેવ સાથે સંબંધિત છે, તેથી હળદર ઉમેરીને સ્નાન કરવાથી કુંડળીમાં ગુરુ ગ્રહ મજબૂત થાય છે. જો તમારી કુંડળીમાં ગુરુ નબળો હોય, તો હળદરના પાણીથી સ્નાન કરવાથી ગુરુ ગ્રહના દોષ દૂર થાય છે.
એવું માનવામાં આવે છે કે ગુરુવારે હળદર નાખીને સ્નાન કરવાથી લગ્નજીવનમાં આવતા અવરોધો દૂર થાય છે. ઉપરાંત, વહેલા લગ્ન થવાની શક્યતાઓ રહે છે. હળદરને શુભ અને પવિત્ર માનવામાં આવે છે, તેથી હળદર નાખીને સ્નાન કરવાથી ઘરમાં સમૃદ્ધિ અને સુખ આવે છે.
ધાર્મિક માન્યતા અનુસાર, નહાવાના પાણીમાં હળદર નાખીને સ્નાન કરવાથી નાણાકીય લાભ, સુખ અને શાંતિ મળે છે અને વ્યક્તિને સફળતા મળે છે. જ્યોતિષશાસ્ત્રમાં, હળદરના પાણીથી સ્નાન કરવાથી ભાગ્યના દ્વાર ખોલવામાં ખૂબ જ ફાયદાકારક માનવામાં આવે છે.
એક ડોલ પાણીમાં એક ચપટી હળદર ભેળવીને હળદરને સારી રીતે મિક્સ કરો અને પછી તે પાણીથી સ્નાન કરો. જો તમે ગુરુવારે આ ઉપાય અપનાવી રહ્યા છો, તો સ્નાન કર્યા પછી ચોક્કસપણે પીળા કપડાં પહેરો.
ડિસ્ક્લેમર: આ લેખ સામાન્ય માહિતી પર આધારિત છે. TV9 Gujarati કોઈપણ રીતે આની પુષ્ટિ કરતું નથી.
Published On - 3:40 pm, Sat, 9 August 25
