Travel tips: ઓછા બજેટમાં પણ સ્નોફોલની મજા માણવી હોય તો પહોંચી જાઓ માઉન્ટ આબુ- Photos
જો તમને લાગતુ હોય કે રાજસ્થાનમાં સ્નોફોલ નથી થતુ તો આ આપની માન્યતા ખોટી છે. આજે અમે આપને રાજસ્થાનના હિલ સ્ટેશન વિશએ જણાવશુ. જ્યાં કડકડતી ઠંડી પડી રહી છે અને તાપમાનનો પારો ઘટીને 1.4 ડિગ્રીએ પહોંચી ગયો છે. ટુરિસ્ટ અહીં સ્નોફોલનો આનંદ લઈ રહ્યા છે.
સ્થાનિક લોકો અને પ્રવાસીઓ બંનેની સુરક્ષા અને આરામ સુનિશ્ચિત કરવા માટે રાજસ્થાન સરકારે એડવાઈઝરી જારી કરી છે અને તમામ લોકોને ઠંડી દરમિયાન કાળજી લેવાની સલાહ આપવામાં આવી છે. અધિકારીઓ દ્વારા જરૂરિયાતમંદ લોકોને ગરમ કપડા અને ધાબળા વિતરણ કરવાની જોગવાઈ કરવામાં આવી છે. જણાવી દઈએ કે માઉન્ટ આબુ તેની પ્રાકૃતિક સુંદરતાના કારણે દેશ અને દુનિયામાં ઘણુ પ્રખ્યાત છે. દર વર્ષે અહીં હજારો ટુરિસ્ટ્સ ફરવા માટે આવે છે.
માઉન્ટ આબુ અરવલ્લીની પવર્ત શૃંખલાઓ વચ્ચે આવેલુ છે. એવામાં અહીં ફેમસ ટુરિસ્ટ પ્લેસિસ છે. જો આપ ત્યાં જવાનુ પ્લાન કરો તો દેલવાડાનું જૈન મંદિર જોવાનું ન ચૂકશો. તમે માઉન્ટ આબુમાં અરવલ્લીની પહાડીઓ વચ્ચે આવેલુ નખી લેકને પણ એક્સપ્લોર કરી શકો છે. આ રાજસ્થાનનું સૌથી ઉંચુ ઝરણુ છે. આ સાથે જ આપ સનસેટ પોઈન્ટ, ગુરુ શિખર, અચલગઢનો કિલ્લો પણ જોઈ શકો છો.
જો તમે અહીં ટ્રેન દ્વારા આવો છો, તો માઉન્ટ આબુ રોડ મુખ્ય શહેરથી માત્ર 28 કિમી દૂર નજીકનું રેલ્વે સ્ટેશન છે, જે ન્યુ દિલ્હી, અમદાવાદ, જયપુર અને મુંબઈ સાથે રેલવે દ્વારા ખૂબ જ સારી રીતે જોડાયેલ છે. રેલ્વે સ્ટેશન પર ઉતર્યા પછી, તમે માઉન્ટ આબુ પહોંચવા માટે ખાનગી કાર/ટેક્સી બુક કરી શકો છો.
જો તમે ફ્લાઇટ દ્વારા માઉન્ટ આબુ આવવાનું વિચારી રહ્યા છો, તો સૌથી નજીક ઉદયપુર ઍરપોર્ટ છે, જે 185 કિમીના અંતરે છે. જે પછી તમે અહીં આવવા માટે કાર/ટેક્સી બુક કરી શકો છો. માઉન્ટ આબુ દેશના મોટા શહેરો સાથે સડક દ્વારા સારી રીતે જોડાયેલ છે, નજીકમાં નેશનલ હાઈવે 14 માત્ર 24 કિમીના અંતરે છે.
Published On - 2:50 pm, Sun, 22 December 24
