Share Market Closing: આજે ફરી ઘટાડા સાથે બંધ થયું શેર માર્કેટ, સેન્સેક્સ 241 અને નિફ્ટી 79 પોઈન્ટ તૂટ્યો
18 નવેમ્બરના રોજ શેરબજારમાં ઘટાડા સાથે લાલ નિશાનમાં કારોબાર શરૂ થયો હતો. ગયા સપ્તાહે 14 નવેમ્બરના રોજ ગુરુવારે BSE સેન્સેક્સ 110.64 પોઈન્ટના ઘટાડા સાથે 77,580.31 પોઈન્ટ પર અને નિફ્ટી 50 પણ 26.35 પોઈન્ટના ઘટાડા સાથે 23,532.70 પોઈન્ટ પર બંધ થયો હતો.
શેરબજારમાં ઓક્ટોબર પછીનો ઘટાડો 18 નવેમ્બરના રોજ પણ ચાલુ રહ્યો હતો. સપ્તાહના પ્રથમ દિવસે BSE સેન્સેક્સ 241.30 પોઈન્ટના ઘટાડા સાથે 77,339.01 પોઈન્ટ પર બંધ રહ્યો હતો. આ સાથે NSEનો નિફ્ટી 50 પણ 78.90 પોઈન્ટ ઘટીને 23,453.80 પોઈન્ટ પર બંધ થયો હતો.
સોમવારે આઈટી શેરોમાં મોટો ઘટાડો જોવા મળ્યો હતો. તમને જણાવી દઈએ કે આજે શેરબજારે ઘટાડા સાથે લાલ નિશાનમાં ટ્રેડિંગ શરૂ કર્યું હતું. ગયા સપ્તાહે ગુરુવારે BSE સેન્સેક્સ 110.64 પોઈન્ટના ઘટાડા સાથે 77,580.31 પોઈન્ટ પર અને નિફ્ટી 50 પણ 26.35 પોઈન્ટના ઘટાડા સાથે 23,532.70 પોઈન્ટ પર બંધ થયો હતો.
આજે સેન્સેક્સની 30માંથી 16 કંપનીઓના શેર ઘટાડા સાથે અને 14 કંપનીઓના શેર વધારા સાથે બંધ થયા હતા. એ જ રીતે નિફ્ટી50ની 50માંથી 29 કંપનીઓના શેર ઘટાડા સાથે અને 21 કંપનીઓના શેર ઉછાળા સાથે બંધ થયા હતા.
સેન્સેક્સ કંપનીઓમાં સમાવિષ્ટ ટાટા સ્ટીલના શેર આજે સૌથી વધુ 2.39 ટકાના વધારા સાથે બંધ થયા હતા. આ સિવાય હિન્દુસ્તાન યુનિલિવરના શેર 1.46 ટકા, મહિન્દ્રા એન્ડ મહિન્દ્રા 1.42 ટકા, નેસ્લે ઈન્ડિયા 1.37 ટકા, સ્ટેટ બેન્ક ઓફ ઈન્ડિયા 1.21 ટકા, અદાણી પોર્ટ્સ 1.11 ટકા, જેએસડબલ્યુ સ્ટીલ 1.09 ટકાના વધારા સાથે બંધ થયા છે.
આ સિવાય મારુતિ સુઝુકી, એચડીએફસી બેંક, કોટક મહિન્દ્રા બેંક, લાર્સન એન્ડ ટુબ્રો, આઈટીસી, બજાજ ફાઈનાન્સ અને પાવરગ્રીડના શેર પણ લીલા નિશાનમાં બંધ થયા હતા.
TCSનો શેર આજે મહત્તમ 3.07 ટકાના ઘટાડા સાથે બંધ રહ્યો હતો. ઈન્ફોસિસના શેર 2.62 ટકા, NTPC 1.44 ટકા, એચસીએલ ટેક 1.43 ટકા, એક્સિસ બેન્ક 1.36 ટકા, ટેક મહિન્દ્રા 1.32 ટકા, બજાજ ફિનસર્વ 1.27 ટકા, સન ફાર્મા 1.22 ટકા, ઇન્ડસઇન્ડ બેન્ક 9 ટકા ઘટીને બંધ થયા છે.
આ સાથે રિલાયન્સ ઈન્ડસ્ટ્રીઝ, ભારતી એરટેલ, અલ્ટ્રાટેક સિમેન્ટ, ટાઈટન, ટાટા મોટર્સ, આઈસીઆઈસીઆઈ બેંક અને એશિયન પેઈન્ટ્સના શેર પણ ઘટાડા સાથે બંધ થયા હતા.
Published On - 4:43 pm, Mon, 18 November 24