IPO News : 50 ગણાથી વધારે સબસ્ક્રાઈબ થયો હતો આ IPO, માર્કેટમાં આવતા જ ક્રેશ થયો શેર, લાગી લોઅર સર્કિટ
ફ્લેટ લિસ્ટિંગ પછી તરત જ આ સ્ટીલ કંપનીના શેર 5%ના લોઅર સર્કિટ સાથે 85.50 પર પહોંચી ગયો છે. IPOમાં કંપનીના શેરની કિંમત 90 રૂપિયા હતી. કંપનીનો IPO 50 થી વધુ વખત સબસ્ક્રાઇબ થયો હતો. કંપની પાસે જયહિંદ સ્ટીલ પ્રાઈવેટ લિમિટેડ, આશિકો વેન્ચર્સ, જ્યોર્જ ઈન્ફ્રા પ્રાઈવેટ લિમિટેડ સહિતના ઘણા ગ્રાહકો છે.
આ સ્ટીલ લિમિટેડના શેર પહેલા જ દિવસે બજારમાં તૂટ્યા છે. આ સ્ટીલ કંપનીના શેર શુક્રવારે અને 27 ડિસેમ્બરના રોજ ફ્લેટ 90 રૂપિયાના ભાવે બજારમાં લિસ્ટ થયા હતા. લિસ્ટિંગ પછી તરત જ, કંપનીના શેરમાં 5 ટકાની લોઅપ સર્કિટ લાગતા ભાવ રૂ. 85.50 પર પહોંચી ગયા હતા.
IPOમાં ન્યૂમલયાલમ સ્ટીલ લિમિટેડના શેરની કિંમત 90 રૂપિયા હતી. કંપનીના શેર નેશનલ સ્ટોક એક્સચેન્જના SME પ્લેટફોર્મ પર લિસ્ટેડ છે. ન્યૂમલયાલમ સ્ટીલના પબ્લિક ઇશ્યૂનું કુલ કદ રૂ. 41.76 કરોડ સુધી હતું.
રિટેલ રોકાણકારો ન્યૂમલયાલમ સ્ટીલ (Newmalayalam Steel) લિમિટેડના IPOમાં માત્ર 1 લોટ માટે રોકાણ કરી શકતા હતા. IPOના એક લોટમાં 1600 શેર હતા. એટલે કે, રિટેલ રોકાણકારોએ કંપનીના IPOમાં રૂ. 1,44,000નું રોકાણ કરવું પડ્યું હતું.
કંપનીનો IPO 19 ડિસેમ્બર 2024ના રોજ રોકાણ લગાવવા માટે ખુલ્લો હતો અને તે 23 ડિસેમ્બર સુધી ખુલ્લો રહ્યો હતો. IPO પહેલા, કંપનીમાં પ્રમોટર્સનો હિસ્સો 99.80 ટકા હતો, જે હવે ઘટીને 73.02 ટકા થઈ ગયો છે.
ન્યૂમલયાલમ સ્ટીલ લિમિટેડનો IPO કુલ 50.69 ગણો સબસ્ક્રાઇબ થયો હતો. કંપનીના આઈપીઓમાં રિટેલ ઈન્વેસ્ટર્સ કેટેગરીમાં 87.7 ગણો દાવ લગાવવામાં આવ્યો હતો. તે જ સમયે, બિન-સંસ્થાકીય રોકાણકારો (NII) કેટેગરીએ 24.63 ગણું સબ્સ્ક્રિપ્શન મેળવ્યું હતું, જ્યારે ક્વોલિફાઇડ ઇન્સ્ટિટ્યુશનલ બાયર્સ (QIB) કેટેગરીએ 1.26 ગણું સબ્સ્ક્રિપ્શન મેળવ્યું હતું.
ન્યૂમલયાલમ સ્ટીલ લિમિટેડ ગેલ્વેનાઈઝ્ડ પાઈપો, ટ્યુબ અને શીટ્સનું ઉત્પાદન કરે છે. કંપની પાસે 3500 MT ની સ્થાપિત ક્ષમતા સાથે ઇલેક્ટ્રિક રેઝિસ્ટન્સ વેલ્ડીંગ ટ્યુબ મિલ છે. કંપની પાસે જયહિંદ સ્ટીલ પ્રાઈવેટ લિમિટેડ, આશિકો વેન્ચર્સ, જ્યોર્જ ઈન્ફ્રા પ્રાઈવેટ લિમિટેડ સહિતના ઘણા ગ્રાહકો છે.
ન્યૂમલયાલમ સ્ટીલ લિમિટેડ આઇપીઓમાંથી એકત્ર કરાયેલ ભંડોળનો ઉપયોગ હાલના ઉત્પાદન પ્લાન્ટના તકનીકી અપગ્રેડેશન, વીજ ઉત્પાદન, જાહેરાત, માર્કેટિંગ અને બ્રાન્ડ નિર્માણ અને કંપનીની કાર્યકારી મૂડીની જરૂરિયાતો માટે હાલની સોલાર સુવિધાના વિસ્તરણ માટે કરશે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.