Big Order: આ સરકારી કંપનીને મળ્યો બુલેટ ટ્રેન બનાવવાનો ઓર્ડર, ફોકસમાં છે શેર, ઇન્ટ્રા-ડે હાઈ પર પહોંચ્યો સ્ટોક
આ સરકારી કંપની દેશની પ્રથમ સ્વદેશી બુલેટ ટ્રેન બનાવવાનું કામ મળી ગયું છે. કંપનીને આ કામ ભારતીય રેલવેની ઈન્ટિગ્રલ કોચ ફેક્ટરીમાંથી મળ્યું છે. આ સમગ્ર પ્રોજેક્ટનો ખર્ચ 866.87 કરોડ રૂપિયા છે. આ કામ 2026ના અંત સુધીમાં પૂર્ણ કરવાનું છે.
સરકારી કંપનીને 866.87 કરોડ રૂપિયામાં ભારતની પ્રથમ સ્વદેશી નિર્મિત બુલેટ ટ્રેન (હાઈ સ્પીડ ટ્રેન)નું નિર્માણ કરશે. કંપનીએ આ જાણકારી સ્ટોક એક્સચેન્જને આપી છે.
કંપનીએ જણાવ્યું હતું કે તેને બે હાઇ-સ્પીડ ટ્રેનસેટની ડિઝાઇન, બાંધકામ અને કમિશનિંગ માટે કોન્ટ્રાક્ટ આપવામાં આવ્યો છે. ભારતીય રેલ્વેના ઉત્પાદન એકમ, ઈન્ટિગ્રલ કોચ ફેક્ટરી (ICF), ચેન્નાઈ દ્વારા આપવામાં આવેલ ઓર્ડરમાં દરેક ટ્રેનમાં આઠ કોચ હશે. આ ટ્રેનોની કિંમત પ્રતિ કોચ 27.86 કરોડ રૂપિયા હશે.
રેલવે બોર્ડ અગાઉ અમદાવાદથી મુંબઈની લાઇન પર બુલેટ ટ્રેન ચલાવવા માટે જાપાનીઝ ટેક્નોલોજી પર નિર્ભર હતું. પરંતુ ભારત હવે આ રૂટ માટે સ્વદેશી રીતે વિકસિત ટ્રેનો પસંદ કરી શકે છે.
ખાનગી પોર્ટલના અહેવાલ મુજબ, જાપાન સાથે વાતચીત હજુ અંતિમ રાઉન્ડ સુધી પહોંચી નથી. તમને જણાવી દઈએ કે BEMLના કોચ દીઠ ખર્ચ જાપાનના અંદાજ કરતા ઘણો ઓછો છે. જાપાન દ્વારા ભારતને બુલેટ ટ્રેન કોચ દીઠ 46 કરોડ રૂપિયાથી વધુનું અંદાજિત બિલ આપવામાં આવ્યું હતું.
આ બુલેટ ટ્રેનની સ્પીડ 280 કિમી પ્રતિ કલાક હશે. કંપનીએ 2026ના અંત સુધીમાં આ ઓર્ડર પૂરો કરવાનો છે. તમને જણાવી દઈએ કે, બુલેટ ટ્રેનના તમામ 8 કોચ એસી હશે. ખુરશીઓ વળાંકવાળી હશે. આ ઉપરાંત મુસાફરોને ધ્યાનમાં રાખીને બીજી ઘણી નવી સુવિધાઓ ઉમેરવામાં આવશે.
આજે કંપનીના શેર બીએસઈથી રૂ.3720ના સ્તરે ખૂલ્યા હતા. થોડા સમય પછી, કંપનીના શેરની કિંમત રૂ. 3789.95ની ઇન્ટ્રા-ડે હાઈ પર પહોંચી ગઈ હતી.
જોકે થોડા સમય બાદ કંપનીના શેરમાં ઘટાડો જોવા મળ્યો છે. બજાર બંધ થવાના સમયે, BEMLના શેર 0.29 ટકાના ઘટાડા સાથે રૂ. 3719.60ના સ્તરે બંધ થયા હતા.
છેલ્લા એક વર્ષમાં સરકારી કંપનીઓના શેરના ભાવમાં 62 ટકાનો વધારો થયો છે. જો કે, છ મહિના પહેલા આ સ્ટોક ખરીદનારા રોકાણકારોએ અત્યાર સુધીમાં માત્ર 8.8 ટકા જ નફો કર્યો છે.
છેલ્લા એક મહિનામાં શેરના ભાવમાં 5.2 ટકાનો ઘટાડો જોવા મળ્યો હતો. તમને જણાવી દઈએ કે, આ કંપનીમાં સરકારની કુલ ભાગીદારી 54 ટકા હતી. જ્યારે જનતા 19.07 ટકા હતી.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.