કોહલી અને અનુષ્કાએ જે કંપનીમાં કર્યું છે રોકાણ તે કંપનીનો આવી રહ્યો છે IPO, ગ્રે માર્કેટમાં તોફાની તેજી
આ કંપની કેનેડા સ્થિત ફેરફેક્સ ગ્રૂપ દ્વારા સમર્થિત કંપની છે, 15 મેના રોજ તેની પ્રારંભિક જાહેર ઓફર (IPO) શરૂ કરવાની તૈયારી કરી રહી છે. કંપનીમાં વિરાટ કોહલી અને તેમની પત્નિ અને અભિનેત્રી અનુષ્કા શર્માએ પણ રોકાણ કર્યું છે. રોકાણકારો 14 મેના રોજ બિડ કરી શકશે.
ગો ડિજિટના પ્રસ્તાવિત IPOમાં 1,125 કરોડ રૂપિયાના નવા શેર છે. આ ઉપરાંત, પ્રમોટર ગો ડિજિટ ઇન્ફોવર્કસ સર્વિસિસ અને વર્તમાન શેરધારકો દ્વારા 5.47 કરોડ રૂપિયાના ઇક્વિટી શેરની ઓફર ફોર સેલ (OFS) પણ સામેલ છે.
ક્રિકેટર વિરાટ કોહલી અને તેની પત્ની અને અભિનેત્રી અનુષ્કા શર્મા પણ આ કંપનીના રોકાણકારોમાં સામેલ છે. તેઓ IPOમાં કોઈ શેર વેચતા નથી. FAL કોર્પોરેશન ફેરફેક્સ ફાઇનાન્સિયલ હોલ્ડિંગ્સની માલિકીની છે, જે ગો ડિજિટમાં 45.3 ટકા ભાગ ધરાવે છે. આ સિવાય કામેશ ગોયલ અને ઓબેન વેન્ચર્સ LLP કંપનીમાં 14.96 ટકા અને 39.79 ટકા હિસ્સો ધરાવે છે.
ગો ડિજિટ ઇન્ફોવર્કસ સર્વિસિસ હાલમાં કંપનીમાં 83.3 ટકા હિસ્સો ધરાવે છે. મોર્ગન સ્ટેન્લી, ICICI સિક્યોરિટીઝ, એક્સિસ કેપિટલ, HDFC બેંક, IIFL સિક્યોરિટીઝ ઇશ્યૂના બુક-રનિંગ લીડ મેનેજર છે. જ્યારે, Link Intime India રજિસ્ટ્રાર છે.
ગો ડિજિટ ઈન્સ્યોરન્સની ચોખ્ખી ખોટ FY2022માં વધીને 295 કરોડ રૂપિયા થઈ હતી, જે FY2021માં 122 કરોડ રૂપિયા હતી. FY22 માટે કંપનીની કુલ આવક 3,841 કરોડ રૂપિયા હતી. FY22માં પ્રીમિયમ આવક FY21થી 62 ટકા વધી હતી.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
