ઓલટાઈમ હાઈથી 44% નું તોતિંગ ધોવાણ… Tata Silver ETF હજુ કેટલો ગબડશે? શું આ ખરીદીની તક છે?
Tata Silver ETF માં આજે એટલે કે 23 માર્ચના સોમવારે 10% થી વધુનો તોતિંગ ઘટાડો નોંધાતા બજારમાં ફફડાટ ફેલાયો છે. જાન્યુઆરીમાં ₹35.10 ની સર્વોચ્ચ સપાટીએ પહોંચેલું આ ETF અત્યાર સુધીમાં 44% જેટલું તૂટી ચૂક્યું છે.
'Tata Silver ETF' એ આજે એટલે કે 23 માર્ચ 2026 ના રોજ 10 ટકાથી વધુનો ઘટાડો નોંધાવ્યો છે. મહત્વનું છે કે, Tata Silver ETF એ 29 જાન્યુઆરી 2026 ના રોજ તેની સર્વોચ્ચ સપાટી (All time high) વટાવી હતી અને ₹35.10 ના લેવલને સ્પર્શ કર્યો હતો. જો કે, અત્યાર સુધીમાં આ ETF તેની તે સપાટીથી લગભગ 44 ટકા જેટલો તૂટી (Correct) ચૂક્યો છે. આવી સ્થિતિમાં એ સવાલ ઉઠવો સ્વાભાવિક છે કે, Tata Silver ETF હજુ કેટલો ગબડશે?
જો આપણે PSP Suite indicator પર નજર કરીએ તો, ચિત્ર સ્પષ્ટ થઈ જાય છે. ઇન્ડિકેટર મુજબ, આ ઘટાડો તો હજુ શરૂ થયો છે. ચાર્ટ પર તમે સ્પષ્ટ જોઈ શકો છો કે, લાલ રંગના બેન્ડ્સ (Bands) વચ્ચેનું અંતર વધી રહ્યું છે, જે સ્પષ્ટ ઈશારો કરે છે કે, વેચવાલી હજુ ચાલુ રહેશે.
આનાથી સાફ થાય છે કે, અત્યારે 'બાય સાઈડ' (ખરીદી) માં એન્ટ્રી કરવી જોઈએ નહીં. એવામાં વધુ એક સવાલ એ થાય છે કે, આ ઘટાડો આખરે ક્યાં જઈને અટકશે? જો તમે ચાર્ટ પર જોશો તો સમજાશે કે, લીલા રંગના (Green Color) ત્રણ ઝોન બન્યા છે, જેમાં પહેલો અત્યંત મજબૂત ઝોન ₹13.55 પર છે. ટૂંકમાં, લગભગ ₹14 ની આસપાસ Tata Silver ETF નો ઘટાડો થંભી શકે છે.
જો ભાવ આનાથી પણ નીચે જાય, તો ₹10 સુધી પહોંચતા જ 'બિગ મની પ્લેયર્સ' (મોટા રોકાણકારો) આમાં ખૂબ જ ઝડપથી ખરીદી શરૂ કરી શકે છે. આથી, અત્યારે રાહ જોવી અને ₹14 ની આસપાસ પહોંચ્યા પછી જ Tata Silver ETF ખરીદવું વધુ હિતાવહ રહેશે.
વધુમાં જોઈએ તો, કુલ 18 સિલ્વર ETF માંથી કોટક સિલ્વર ETF માં સૌથી વધુ ઘટાડો નોંધાયો હતો, જે તેના અગાઉના બંધ ભાવ 22.31 રૂપિયાથી લગભગ 20 ટકા ગબડીને ઇન્ટ્રા-ડેમાં 17.77 રૂપિયાની સૌથી નીચી સપાટીએ આવી ગયો હતો. આ સિવાય એક્સિસ સિલ્વર ETF અને બંધન સિલ્વર ETF બંનેમાં આશરે 11 ટકાનો ઘટાડો જોવા મળ્યો હતો. એડલવાઈસ સિલ્વર ETF માં પણ 10 ટકાનો મોટો કડાકો નોંધાયો હતો, જે ટ્રેડિંગ સેશન દરમિયાન 209.43 રૂપિયાના લઘુત્તમ સ્તર સુધી પહોંચી ગયો હતો. આ સેગમેન્ટના બીજા ETF માં પણ સરેરાશ 9 ટકા જેટલો ઘટાડો નોંધાયો હતો.
